*ភាគីម្ចាស់ប្រាក់ស្នើឱ្យអ្នកស្រី ពេញ ឆវី និងអ្នកស្រី ពេញ វិច្ឆន្នី ព្រមទាំងម្ដាយ ចូលខ្លួនដោះស្រាយបញ្ហាប្រាក់នៅសល់ ពាក់ព័ន្ធនឹងការលេងតុងទីនជាបន្ទាន់*ក្រុមជំនួយការសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តនាំយកអំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០តោនបន្ថែម*កង់អាគុយ និងរទេះរុញ ដែលពលរដ្ឋស្នើសុំសម្តេចធិបតី បានប្រគល់ដល់ដៃម្ចាស់សំណើហើយ *ប្រធានាធិបតីចិន ស៊ី ជីនពីង ផ្ញើសារថ្លែងអំណរគុណ សម្តេចតេជោ ហ៊ុន សែន និងប្តេជ្ញាបន្តរក្សាទំនាក់ទំនងជាយុទ្ធសាស្ត្រ ដើម្បីជំរុញសហគមន៍វាសនារួមចិន-កម្ពុជាគ្រប់រដូវកាល*ប្រធានគណៈកម្មាធិការជាតិនៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណ និងជូនពរសម្តេចតេជោ ហ៊ុន សែន ដែលបានផ្ញើលិខិតអបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន*បណ្ឌិត សួន សុខឌឿន អញ្ជើញចូលរួមពិធីប្រកាសទទួលស្គាល់សមាសភាពក្រុមជំនួយការផ្នែកវប្បធម៌ និងសាសនា*សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃទី៣០ ខែតុលា ឆ្នាំ២០២៦នេះ បានអញ្ជើញជាអធិបតីភាពក្នុងកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានប្រចាំត្រីមាសទី៣ ឆ្នាំ២០២៦ និងទិសដៅការងារបន្តរបស់ក្រុមការងារ។*រដ្ឋមន្ត្រី នេត្រ ភក្ត្រា លើកទឹកចិត្តឱ្យក្រុមហ៊ុនផ្សាយពាណិជ្ជកម្ម បង្កើនសារអប់រំសុខភាព សុវត្ថិភាពចរាចរណ៍ និងជម្រើសប្រើប្រាស់ប្រកបដោយការយល់ដឹង*ប្រធានក្រុមប្រឹក្សាយោបល់សិក្សាធិការរបស់ចិន កោតសរសើរការដឹកនាំសម្តេច ហ៊ុន ម៉ាណែត តម្កល់ផលប្រយោជន៍ប្រជាជនជាអាទិភាព *លោក នេត្រ ភក្ត្រា បន្តណែនាំមន្ត្រីបក្សពង្រឹងសាមគ្គីភាព បម្រើពលរដ្ឋដោយស្មោះត្រង់ និងមិនត្រូវឆ្អែតឆ្អន់ចំពោះការធ្វើអំពើល្អជាមួយពលរដ្ឋឡើយ*លោក នេត្រ ភក្ត្រា៖ ការដាក់ចេញគោលនយោបាយត្រឹមត្រូវរបស់បក្សប្រជាជន និងការគិតគូរសុខទុក្ខពលរដ្ឋ ជាមូលដ្ឋានគ្រឹះនៃជំនឿទុកចិត្តបោះឆ្នោតគាំទ្រឱ្យបន្តដឹកនាំប្រទេស*ក្តីសង្ឃឹមថ្មីនៅទឹកដីថ្មី! អភិបាលខេត្តពោធិ៍សាត់ ជូនដំណើរពលរដ្ឋ ១៦គ្រួសារ ទៅទទួលដី និងផ្ទះពីកម្មវិធី «ផ.ក.អ» នៅខេត្តស្ទឹងត្រែង*រដ្ឋមន្ត្រី នេត្រ ភក្ត្រា ជំរុញការការពារកុមារ និងលើកកម្ពស់សេចក្តីថ្លៃថ្នូរស្រ្តី ក្នុងការផ្សាយពាណិជ្ជកម្មដែលអាចប៉ះពាល់សុខភាព និងការអភិវឌ្ឍន៍របស់ពួកគេ*សម្តេចមហាបវរធិបតី ហ៊ុន ម៉ាណែត ចោទសួរក្រុមប្រឆាំងក្រៅប្រទេស៖ ហេតុអ្វីស្ងាត់ជ្រាបដូចចោរលួចសេះ ពេលព័ត៌មានថៃទម្លាយថាពលរដ្ឋថៃ ៦៦គ្រួសារ បាត់បង់ការចូលមកធ្វើចម្ការលើដីខ្មែរ ១៣៨ហិកតា? *សម្តេចមហាបវរធិបតី ហ៊ុន ម៉ាណែត ក្រើនរំលឹកសិស្សនិទ្ទេស A ក្រោយបញ្ចប់បាក់ឌុប ត្រូវចេះម្ចាស់ការលើជីវិត និងការសម្រេចចិត្តរបស់ខ្លួនឯង *សម្តេចធិបតី ហ៊ុន ម៉ាណែត ដាក់គោលដៅប្រែក្លាយសាលារៀនទូទាំងប្រទេស ជាសាលាគំរូ ដើម្បីលើកកម្ពស់គុណភាពអប់រំនៅកម្ពុជា *ឧបនាយករដ្ឋមន្ដ្រី ហ៊ុន ម៉ានី៖ ការប្រឡងជ្រើសរើសមន្ដ្រីរាជការ នៅតែបន្ដប្រព្រឹត្តទៅតាមនិយាមប្រតិបត្តិ ធានាយុត្តិធម៌ «អ្នកជាប់ដោយមោទន ធ្លាក់ដោយអស់ចិត្ត» *រដ្ឋមន្ត្រីក្រសួងមហាផ្ទៃចេញប្រកាសសម្រេចផ្អាកការងារបណ្តោះអាសន្នចំពោះ វរសេនីយ៍ឯក ជឹម រតនា អត្តលេខ ៦១៩០៨ ស្នងការរង នៃស្នងការដ្ឋាននគរបាលខេត្តព្រៃវែង ចំណុះអគ្គស្នងការដ្ឋាននគរបាលជាតិ មូលហេតុ ល្មើសបទវិន័យនគរបាល ជាតិកម្ពុជា។

ក្តីសង្ឃឹមថ្មីនៅទឹកដីថ្មី! អភិបាលខេត្តពោធិ៍សាត់ ជូនដំណើរពលរដ្ឋ ១៦គ្រួសារ ទៅទទួលដី និងផ្ទះពីកម្មវិធី «ផ.ក.អ» នៅខេត្តស្ទឹងត្រែង

ព័ត៌មានជាតិ

(ពោធិ៍សាត់)៖ ក្រោមម្លប់សន្តិភាព និងការគិតគូរយ៉ាងយកចិត្តទុកដាក់បំផុតពីប្រមុខរាជរដ្ឋាភិបាលកម្ពុជា ជីវិតថ្មី និងក្តីសង្ឃឹមថ្មី របស់បងប្អូនប្រជាពលរដ្ឋក្រីក្រ ចំនួន១៦គ្រួសារ នៅខេត្តពោធិ៍សាត់ ត្រូវបានបើកទំព័រឡើងយ៉ាងស្រស់បំព្រង នៅទឹកដីថ្មីឯខេត្តស្ទឹងត្រែង។

ជាក់ស្តែងនាថ្ងៃទី២៩ ខែតុលា ឆ្នាំ២០២៦ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញជួបសំណេះសំណាល ផ្តល់អំណោយ និងជូនដំណើរគ្រួសារប្រជាពលរដ្ឋ ទាំង១៦គ្រួសារ ដោយក្តីអាណិតអាសូរ និងស្នាមញញឹមដ៏កក់ក្តៅ នៅបរិវេណសាលាខេត្តពោធិ៍សាត់ មុនពេលពួកគាត់ចេញដំណើរ ឆ្ពោះទៅកាន់ទឹកដីខេត្តស្ទឹងត្រែង ដើម្បីទទួលយកផ្ទះ និងដីឡូតិ៍បង្កបង្កើនផល ចំនួន៣ហិកតា ក្នុងមួយគ្រួសារ ពីកម្មវិធី «ផ្តល់ដីការពារព្រៃ ដើម្បីរួមគ្នាអភិវឌ្ឍដោយចីរភាព» (ផ.ក.អ)។

កម្មវិធីដ៏មានអត្ថន័យនេះ គឺជាគំនិតផ្តួចផ្តើមដ៏ថ្លៃថ្លារបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងគោលបំណងដោះស្រាយបញ្ហាជីវភាព ដីធ្លី និងផ្ទះសម្បែងជូនប្រជាពលរដ្ឋក្រីក្រពិតប្រាកដ ព្រមទាំងផ្សារភ្ជាប់ជាមួយការចូលរួមការពារ និងអភិរក្សធនធានធម្មជាតិ និងព្រៃឈើឱ្យបានគង់វង្ស។

បើតាមលោក ហេង សុភាណា អភិបាលរងខេត្ត និងជាអ្នកដឹកនាំជូនដំណើរផ្ទាល់ បានឱ្យដឹងថា ប្រជាពលរដ្ឋទាំង ១៦គ្រួសារនេះ ត្រូវបានជ្រើសរើស និងចាប់ឆ្នោតទទួលយកយ៉ាងតម្លាភាព មកពីបណ្តាក្រុង-ស្រុក ទូទាំងខេត្តពោធិ៍សាត់ ដោយបំពេញលក្ខណៈវិនិច្ឆ័យយ៉ាងជាក់លាក់ គឺ៖ មានសញ្ជាតិខ្មែរ, ជាគ្រួសារក្រីក្រពិតប្រាកដ, គ្មានទីលំនៅឋាន និងដីធ្លីពិតប្រាកដ ជាពិសេសគឺមានស្មារតីស្ម័គ្រចិត្តខ្ពស់ ក្នុងការផ្លាស់ប្តូរទីលំនៅទៅចាប់ផ្តើមជីវិតថ្មី នៅលើដីទំហំ៣ហិកតា និងផ្ទះ ១ខ្នង ដែលរដ្ឋបានរៀបចំជូននៅខេត្តស្ទឹងត្រែង។

លោក ខូយ រីដា បានមានប្រសាសន៍សំណេះសំណាល និងផ្តាំផ្ញើផ្ដល់កម្លាំងចិត្តយ៉ាងជ្រាលជ្រៅ ដល់បងប្អូនប្រជាពលរដ្ឋ ទាំង១៦គ្រួសារថា៖ ថ្ងៃនេះគឺជាថ្ងៃដ៏មានសិរីមង្គល និងជាព្រឹត្តិការណ៍ប្រវត្តិសាស្ត្រ សម្រាប់ជីវិតរបស់បងប្អូន ដែលរាជរដ្ឋាភិបាល ក្រោមការដឹកនាំ របស់សម្តេចបវរធិបតី ហ៊ុន ម៉ាណែត មិនដែលបោះបង់ពលរដ្ឋណាម្នាក់ចោលនោះឡើយ។

លោកបន្តថា ការដែលបងប្អូនសម្រេចចិត្តទៅចាប់យកឱកាសទទួលបានដី៣ហិកតា និងផ្ទះថ្មី នៅខេត្តស្ទឹងត្រែង គឺជានិមិត្តរូបនៃការចាប់យកអនាគតដ៏ភ្លឺស្វាង សម្រាប់កូនចៅជំនាន់ក្រោយ។ ទោះបីជាបងប្អូនត្រូវផ្លាស់ទីលំនៅចេញពីខេត្តពោធិ៍សាត់ក៏ដោយ ប៉ុន្តែទឹកចិត្ត និងការគាំទ្រពីអាជ្ញាធរខេត្ត គឺនៅតែស្ថិតនៅជាមួយបងប្អូនជានិច្ច។ សូមខិតខំកែប្រែដី ៣ហិកតានោះ ទៅជាបង្កបង្កើនផល ប្រកបមុខរបរដោយសុចរិត រួមគ្នាការពារព្រៃឈើ និងអភិវឌ្ឍន៍សហគមន៍ថ្មីរបស់យើង ឱ្យរីកចម្រើនរុងរឿងទាំងអស់គ្នា។

លោកអភិបាលខេត្តក៏បានចាត់ចែងរៀបចំរថយន្តដឹកជញ្ជូនសម្ភារៈ និងក្រុមការងារចុះជួយសម្របសម្រួល ជូនបងប្អូនរហូតដល់ទីតាំងដី និងផ្ទះថ្មី នៅខេត្តស្ទឹងត្រែង ដោយសុវត្ថិភាព និងរលូនផងដែរ។

បងប្អូនប្រជាពលរដ្ឋ ទាំង១៦គ្រួសារ បានថ្លែងអំណរគុណយ៉ាងជ្រាលជ្រៅចំពោះ សម្តេចធិបតី ហ៊ុន ម៉ាណែត និងលោក ខូយ រីដា ដែលបានផ្តល់នូវជីវិតថ្មី និងក្តីសង្ឃឹមពិតប្រាកដ ដល់គ្រួសាររបស់ពួកគាត់។

អំណោយឧបត្ថម្ភ និងសម្ភារៈជូនដំណើរដើម្បីសម្រាលការលំបាកក្នុងខែដំបូង នៃការចាប់ផ្តើមជីវិតនៅទីតាំងថ្មី គ្រួសារនីមួយៗទទួលបានអំណោយឧបត្ថម្ភ ពីសំណាក់រដ្ឋបាលខេត្តពោធិ៍សាត់ រួមមាន៖ អង្ករ ២៥គីឡូក្រាម, មី ១កេស, ទឹកត្រី ១យួរ, ទឹកស៊ីអ៊ីវ ១យួរ, មុង ២, កន្ទេល ១, ភួយ ១, ថាសដែក ១, និងថវិកា ៥ម៉ឺនរៀល៕