*ក្រសួងការងារ៖ ខេត្តស្វាយរៀងមានឱកាសការងារជិត ៤ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ*ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ*ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំពិនិត្យ វាយតម្លៃផែនការការពារសន្ដិសុខ សណ្ដាប់ធ្នាប់កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាត្រៀមទទួលមេដឹកនាំជាង៩០ប្រទេស មានទាំងប្រធានាធិបតីបារាំង លោក ម៉ាក្រុង, សមត្ថកិច្ចជិត២ម៉ឺននាក់ ត្រៀមការពារ*ប្រធានគណៈកម្មាធិការជាតិ នៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណសម្ដេចតេជោ ហ៊ុន សែន ចំពោះលិខិតអបអរសាទរ ខួបលើកទី៧៧ ថ្ងៃបង្កើតសាធារណរដ្ឋប្រជាមានិតចិន*សម្តេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ចាត់ក្រុមការងារនាំយកស្ដ្រីពិការជើងម្នាក់ដែលមិនអាចធ្វើការរកប្រាក់ចំណូល ទៅពិនិត្យព្យាបាល នៅមន្ទីរពេទ្យតេជោសន្តិភាព*លោកស្រីម្នាក់ ដែលបានអះអាងថាជាជនរងគ្រោះ កើតទុក្ខមិនសុខចិត្ត ពាក់ព័ន្ធរឿងលេងតុងទីន សន្យាសងប្រាក់ តែមិនបានដូចការគ្រងទុក (វគ្គ១)*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ភាគីម្ចាស់ប្រាក់ស្នើឱ្យអ្នកស្រី ពេញ ឆវី និងអ្នកស្រី ពេញ វិច្ឆន្នី ព្រមទាំងម្ដាយ ចូលខ្លួនដោះស្រាយបញ្ហាប្រាក់នៅសល់ ពាក់ព័ន្ធនឹងការលេងតុងទីនជាបន្ទាន់*ក្រុមជំនួយការសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តនាំយកអំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០តោនបន្ថែម*កង់អាគុយ និងរទេះរុញ ដែលពលរដ្ឋស្នើសុំសម្តេចធិបតី បានប្រគល់ដល់ដៃម្ចាស់សំណើហើយ *ប្រធានាធិបតីចិន ស៊ី ជីនពីង ផ្ញើសារថ្លែងអំណរគុណ សម្តេចតេជោ ហ៊ុន សែន និងប្តេជ្ញាបន្តរក្សាទំនាក់ទំនងជាយុទ្ធសាស្ត្រ ដើម្បីជំរុញសហគមន៍វាសនារួមចិន-កម្ពុជាគ្រប់រដូវកាល*ប្រធានគណៈកម្មាធិការជាតិនៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណ និងជូនពរសម្តេចតេជោ ហ៊ុន សែន ដែលបានផ្ញើលិខិតអបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន*បណ្ឌិត សួន សុខឌឿន អញ្ជើញចូលរួមពិធីប្រកាសទទួលស្គាល់សមាសភាពក្រុមជំនួយការផ្នែកវប្បធម៌ និងសាសនា*សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃទី៣០ ខែតុលា ឆ្នាំ២០២៦នេះ បានអញ្ជើញជាអធិបតីភាពក្នុងកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានប្រចាំត្រីមាសទី៣ ឆ្នាំ២០២៦ និងទិសដៅការងារបន្តរបស់ក្រុមការងារ។*រដ្ឋមន្ត្រី នេត្រ ភក្ត្រា លើកទឹកចិត្តឱ្យក្រុមហ៊ុនផ្សាយពាណិជ្ជកម្ម បង្កើនសារអប់រំសុខភាព សុវត្ថិភាពចរាចរណ៍ និងជម្រើសប្រើប្រាស់ប្រកបដោយការយល់ដឹង*ប្រធានក្រុមប្រឹក្សាយោបល់សិក្សាធិការរបស់ចិន កោតសរសើរការដឹកនាំសម្តេច ហ៊ុន ម៉ាណែត តម្កល់ផលប្រយោជន៍ប្រជាជនជាអាទិភាព *លោក នេត្រ ភក្ត្រា បន្តណែនាំមន្ត្រីបក្សពង្រឹងសាមគ្គីភាព បម្រើពលរដ្ឋដោយស្មោះត្រង់ និងមិនត្រូវឆ្អែតឆ្អន់ចំពោះការធ្វើអំពើល្អជាមួយពលរដ្ឋឡើយ*លោក នេត្រ ភក្ត្រា៖ ការដាក់ចេញគោលនយោបាយត្រឹមត្រូវរបស់បក្សប្រជាជន និងការគិតគូរសុខទុក្ខពលរដ្ឋ ជាមូលដ្ឋានគ្រឹះនៃជំនឿទុកចិត្តបោះឆ្នោតគាំទ្រឱ្យបន្តដឹកនាំប្រទេស

រដ្ឋមន្ត្រី នេត្រ ភក្ត្រា កោតសរសើរការចូលររួមរបស់ Prestige Cambodia ជាមួយនឹងរដ្ឋាភិបាល ផ្សព្វផ្សាយវប្បធម៌ និងអរិយធម៌របស់កម្ពុជា តាមរយៈវេទិកានានាបង្ហាញប្រាប់ទៅពិភពលោកអំពីសក្តានុពលកម្ពុជា

ព័ត៌មានជាតិ

ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន សម្តែងការកោតសរសើរ និងវាយតម្លៃខ្ពស់ចំពោះការចូលររួមរបស់ Prestige Cambodia ជាមួយនឹងរាជរដ្ឋាភិបាលក្នុងការចូលរួមផ្សព្វផ្សាយវប្បធម៌ និងអរិយធម៌របស់កម្ពុជាតាមរយៈវេទិកានានា និងការបង្ហាញប្រាប់ទៅពិភពលោកអំពីសក្តានុពលនៃព្រះរាជាណាចក្រកម្ពុជា។

 

ការវាយតម្លៃបែបនេះរបស់លោក នេត្រ ភក្ត្រា បានធ្វើឡើងនៅក្នុងឱកាសដែលលោកបានអញ្ជើញជាអធិបតីភាពប្រគល់ពានរង្វាន់ “Prestige 40 Under 40 Awards 2025”។ ដោយមានការចូលរួមពីសំណាក់លោក Dominic Williams ឯកអគ្គរាជទូតនៃចក្រភពអង់គ្លេស, លោក Stefan Messerer ឯកអគ្គរដ្ឋទូតនៃសាធារណរដ្ឋសហព័ន្ធអាល្លឺម៉ង់, លោកស្រី យឹម ឆៃលីន។ ពិធីនេះបានធ្វើឡើងនៅយប់ថ្ងៃថ្ងៃសៅរ៍ ទី១៨ ខែតុលា ឆ្នាំ២០២៥ នា Rosewood Phnom Penh។

 

ទន្ទឹមនេះ លោករដ្ឋមន្ត្រី នេត្រ ភក្ត្រា ក៏សូមចូលរួមអបអរសាទរចំពោះជ័យលាភីទាំងអស់ ដែលទទួលនូវពាន់រង្វាន់នាថ្ងៃនេះ ដែលបានចូលរួមបង្កើតនូវសមិទ្ធផលលេចធ្លោ ភាពច្នៃប្រឌិត លើកកម្ពស់វប្បធម៌ តម្លៃនិងអត្តសញ្ញាណរបស់ប្រទេសកម្ពុជាទាំងនៅលើឆាកជាតិ និងអន្តរជាតិ។ ប្រទេសកម្ពុជា ក្រោមមគ្គុទ្ទេសក៍ដឹកនាំដ៏ឆ្នើមរបស់ សម្តេចតេជោ ហ៊ុន សែនអតីតនាយករដ្ឋមន្រ្តី និងជាប្រធានព្រឹទ្ធសភា និងបន្តដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បាននាំប្រទេសកម្ពុជាឱ្យស្គាល់នូវសុខសន្តិភាពពេញលេញ មានកំណើនសេដ្ឋកិច្ច និងការអភិវឌ្ឍលើគ្រប់វិស័យក្នុងរយៈពេលជាង២ទសវត្សចុងក្រោយនេះ ដែលអនុញ្ញាតឱ្យយុវជន យុវនារីកម្ពុជារបស់យើង មានឱកាសគ្រប់គ្រាន់ក្នុងការសិក្សារៀនសូត្រ បញ្ចេញសមត្ថភាព និងទេពកោសល្យច្នៃប្រឌិតរបស់ខ្លួន ដើម្បីចូលរួមអភិវឌ្ឍន៍ និងសាងកេរ្តិ៍ឈ្មោះប្រទេសកម្ពុជាឱ្យកាន់តែល្បីរន្ទឺ។

 

បន្ថែមពីនេះ រដ្ឋមន្ត្រីក្រសួងព័ត៌មាន បានបន្តថា៖ «បច្ចុប្បន្ន យើងកំពុងរស់នៅក្នុងយុគសម័យមួយដែលព័ត៌មានមានឥទ្ធិពលជាងពេលណាៗទាំងអស់។ ព័ត៌មាន និងគំនិតរបស់យើង អាចធ្វើដំណើររាប់សិនម៉ឺនគីឡូម៉ែត្រត្រឹមតែរយៈពេលប៉ុន្មានវិនាទីតាមរយៈបណ្តាញសង្គមរបស់យើង។ ការបង្ហោះសារ ឬវីដេអូតែមួយអាចបំផុសគំនិតមនុស្សរាប់លាននាក់ ប៉ុន្តែទន្ទឹមនេះ ព័ត៌មានមិនពិត ពាក្យចចាមអារ៉ាម និងខ្លឹមសារដែលបង្កគ្រោះថ្នាក់ក៏អាចរីករាលដាលយ៉ាងឆាប់រហ័សផងដែរ ប្រសិនបើយើងមិនបានប្រុងប្រយ័ត្ន។

 

ហេតុនេះ នៅក្នុងបរិបទនៃរីកចម្រើនយ៉ាងឆាប់រហ័សនៃបញ្ញាសិប្បនិម្មិត និងប្រព័ន្ធផ្សព្វផ្សាយសង្គម តួនាទីរបស់អ្នកទាំងអស់គ្នាដែលជាបុគ្គលមានប្រជាប្រិយភាពនៅក្នុងសង្គម គឺពិតមានសារសំខាន់ណាស់ក្នុងការចែករំលែកអំពីរូបភាពល្អៗ បទពិសោធនៃភាពជោគជ័យ និងសកម្មភាពមនុស្សធម៌នានាដែលជាប្រយោជន៍សម្រាប់យុវជន និងសង្គមជាតិរបស់យើង»។

 

លោករដ្ឋមន្ត្រី នេត្រ ភក្ត្រា បានបន្ថែមថា ក្នុងន័យនេះ ការផ្សព្វផ្សាយ ការផលិតមាតិកា និងខ្លឹមសារព័ត៌មានសម្បូរបែបគ្រប់ជ្រុងជ្រោយអំពីរូបភាពពិតនៃប្រទេសកម្ពុជា ពិតជាមានភាពចាំបាច់មិនអាចខ្វះបាន នៅក្នុងបរិបទនៃការរីករាយដាលនៃព័ត៌មានក្លែងក្លាយ។ ដូចនេះ លោកសូមលើកទឹកចិត្តទៅកាន់ជ័យលាភីដែលទទួលបានពាន់រង្វាន់នៅថ្ងៃនេះ ជាពិសេសអ្នកបង្តើតមាតិកា សូមចូលរួមបង្កើនផ្សព្វផ្សាយមាតិកាឱ្យបានកាន់តែទូលំទូលាយអំពីវិស័យទេសចរណ៍ វប្បធម៌ ឱកាសវិនិយោគ និងសក្កានុពលសេដ្ឋកិច្ចនាំប្រទេសកម្ពុជា ប្រកបដោយគំនិតឆ្នៃប្រឌិតខ្ពស់ និងគោរពតាមក្រមសីលធម៌វិជ្ជាជីវៈ។

 

ឆ្លៀតក្នុងឱកាសនេះ លោករដ្ឋមន្ត្រី នេត្រ ភក្ត្រា សូមគូសបញ្ជាក់ថា នៅក្នុងអាណត្តិរាជរដ្ឋាភិបាលនីតិកាលទី៧ នៃរដ្ឋសភានេះ បេសកកម្មចម្បងរបស់ក្រសួងព័ត៌មាន គឺ «ការរៀបចំប្រព័ន្ធ និងយន្តការគ្រប់គ្រង់ព័ត៌មាន លំហរព័ត៌មាន និងសន្តិសុខព័ត៌មានក្នុងវិស័យសារព័ត៌មាន»។ ក្នុងពេលបច្ចុប្បន្ន ក្រសួងកំពុងអនុវត្តការងារក្រោមអភិក្រម «ថ្មី ពិត លឿន និងទូលំទូលាយ ប្រកបដោយជំនឿទុកចិត្ត និងវិជ្ជាជីវៈ ដើម្បីផ្សារភ្ជាប់គ្រប់មជ្ឈដ្ឋាន» ដោយបានកំណត់នូវទិសដៅយុទ្ធសាស្រ្តអាទិភាពចំនួន៥ គឺ៖ ១. ការធ្វើទំនើបកម្មស្ថាប័ន និងការកសាងរដ្ឋបាលទំនើប, ២. ការពង្រឹងបទដ្ឋានបច្ចេកទេស និងការទទួលខុសត្រូវវិជ្ជាជីវៈ, ៣. ការអភិវឌ្ឍធនធានមនុស្ស និងបណ្តុះស្មារតីមនសិការវិជ្ជាជីវៈ, ៤. ការរៀបចំប្រព័ន្ធ និងយន្តការគ្រប់គ្រងលំហព័ត៌មាន និងសន្តិសុខព័ត៌មាន និង៥. ការបង្កើនភាពជាដៃគូប្រកបដោយបរិយាប័ន្ន និងស័ក្តិសិទ្ធភាព។

 

ក្នុងន័យនេះ ក្រសួងព័ត៌មានបាននិងកំពុងជំរុញឱ្យមានការចូលរួមពីដែគូពាក់ព័ន្ធ ក្នុងការលើកទឹកចិត្តឱ្យមានការប្រកួតប្រជែងផលិតនូវមាតិកាល្អៗ ពាក់ព័ន្ធប្រធានបទចម្រុះ គ្រប់ទម្រង់ ដើម្បីលើកតម្តើងកិត្យានុភាពនៃព្រះរាជាណាចក្រកម្ពុជា និងចូលរួមចំណែកជាមួយនឹងរាជរដ្ឋាភិបាលក្នុងការឈានឆ្ពោះទៅសម្រេចបាននូវចក្ខុវិស័យដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលខ្ពស់នៅឆ្នាំ២០៥០៕