*ក្រុមអ្នកសង្កេតការណ៍អាស៊ាន (AOT) បន្តចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន នៅតំបន់ច្រកបឹងត្រកួន *ឧបនាយករដ្ឋមន្ត្រី ស សុខា ណែនាំដល់សិស្សានុសិស្ស និងពលរដ្ឋអ្នកប្រើប្រាស់ផ្លូវទាំងអស់ បង្កើនការប្រុងប្រយ័ត្ន និងត្រូវគោរពច្បាប់ចរាចរណ៍ជាចម្បង*មន្ត្រីពន្ធដារ និងគយ ចុះអប់រំ និងបង្ក្រាបទីតាំងចែកចាយបារីចំនួន២កន្លែង រឹបអូសបានបារីដែលមិនមានបិទតែមប្រិ៍អាករចំនួន ៦៥១សុង*ប្រជាពលរដ្ឋខេត្តកំពត ទទួលការពិនិត្យ ព្យាបាលភ្នែក និងចែកវ៉ែនតា ដោយឥតគិតថ្លៃពីមនី្ទរពេទ្យព្រះអង្គឌួង*CDC អនុម័តគម្រោងវិនិយោគបង្កើតរោងចក្របង្គុំ និងដំឡើងរថយន្តអគ្គិសនីដឹកជញ្ជូនខ្នាតធំដំបូងគេបង្អស់ តម្លៃជិត ៥០លានដុល្លារ នៅខេត្តពោធិ៍សាត់*ឧបនាយករដ្ឋមន្រ្តី ស សុខា ឲ្យផ្អាកចាប់ផាកពិន័យរឿងរឹតបន្តឹងចរាចរណ៍ទាំងផ្លូវលំ និងផ្លូវជាតិ តែការត្រួតពិនិត្យអាវុធជាតិផ្ទុះ និងគ្រឿងស្រវឹងនៅបន្តអនុវត្ត*សម្ដេចមហាបវរធិបតី ហ៊ុន ម៉ាណែត ណែនាំគណៈបញ្ជការឯករដ្ឋបាលខេត្ត ត្រូវបន្ដបង្ក្រាបទបល្មើស Online Scams ដើម្បីធានាសន្ដិសុខ សុវត្ថិភាព សណ្ដាប់ធ្នាប់ជូនពលរដ្ឋ និងវិនិយោគិន *សម្តេចបវរធិបតី ហ៊ុន ម៉ាណែត ផ្ដល់អនុសាសន៍៥ចំណុចដល់ក្រសួងឧស្សាហកម្ម ជំរុញការអភិវឌ្ឍ និងគ្រប់គ្រងវិស័យទឹកស្អាតឱ្យមានប្រសិទ្ធភាព ឆ្លើយតបទៅនឹងតម្រូវការរបស់ពលរដ្ឋ*សម្ដេចមហាបវរធិបតី ហ៊ុន ម៉ាណែត៖ ហេដ្ឋារចនាសម្ព័ន្ធរបស់រដ្ឋ នឹងត្រូវពង្រីកជាបន្ដបន្ទាប់ ទាំងប្រព័ន្ធទឹកស្អាត និងផ្លូវ *សម្ដេចបវរធិបតី៖ «ពីមុនខេត្តស្វាយរៀង និងខេត្តព្រៃវែង ធ្វើកសិកម្មមិនសូវបានផល ឥឡូវងាកមកដាំដុះរោងចក្រសហគ្រាស គឺបានចូលរួមចំណែកជួយទ្រទ្រង់ជីវភាពប្រជាពលរដ្ឋប្រសើរជាងមុន»*ជំនួបរវាងគណៈកម្មការទី៥ នៃរដ្ឋសភា និងរដ្ឋមន្ត្រីក្រសួងព័ត៌មាន បានឯកភាពពង្រឹងក្របខណ្ឌច្បាប់ ក្នុងការធានាសេរីភាពសារព័ត៌មានប្រកបដោយវិជ្ជាជីវៈ និងសណ្តាប់ធ្នាប់ព័ត៌មាន ស្របតាមបរិបទបច្ចេកវិទ្យាឌីជីថលសម័យថ្មី*រដ្ឋមន្ត្រី នេត្រ ភក្ត្រា ដឹកនាំគណៈប្រតិភូក្រសួងព័ត៌មានប្រជុំទល់មុខជាមួយគណៈកម្មការទី៥ នៃរដ្ឋសភា ដើម្បីពិភាក្សាអំពី «វឌ្ឍនភាពការអនុវត្តច្បាប់ និងគោលនយោបាយវិស័យសារព័ត៌មានរបស់រាជរដ្ឋាភិបាល នីតិកាលទី៧ នៃរដ្ឋសភា*រយៈពល ៦ថ្ងៃ មហោស្រពភាពយន្តអន្តរជាតិកម្ពុជា មានភាពយន្តចំនួន ១៥០រឿង មកពី ៤០ប្រទេស ក្នុងនោះភាពយន្តកម្ពុជា ៦០រឿង ដាក់បញ្ចាំងឲ្យទស្សនាដោយសេរី*ខែមីនា ឆ្នាំ២០២៦ ACU សម្រេចលើពាក្យប្ដឹងចំនួន៣៣ និងបញ្ជូនសំណុំរឿងចំនួន៣ករណី មានមនុស្ស១០នាក់ ទៅតុលាការ*ដំណឹងល្អសម្រាប់អតីតពលករ! បន្ថែមពីការផ្តល់ការងាររាប់សែនកន្លែង ក្រសួងការងារ ចាប់ផ្តើមចុះឈ្មោះធ្វើតេស្តទទួលស្គាល់ជំនាញពីមុនពីថ្ងៃនេះតទៅ! សូមមកចុះឈ្មោះព្រោះឥតគិតថ្លៃ*អាជ្ញាធរខេត្តបន្ទាយមានជ័យ បន្ដចែកវិញ្ញាបនបត្រសម្គាល់ម្ចាស់អចលនវត្ថុ ចំនួន៤,០០៤បណ្ណ ជូនពលដ្ឋក្នុងភូមិស្វាយស ឃុំពន្លៃ ស្រុកភ្នំស្រុក*រដ្ឋមន្ត្រីសុខាភិបាល អំពាវនាវដល់ភាគីពាក់ព័ន្ធ និងប្រជាពលរដ្ឋចូលរួមប្រយុទ្ធប្រឆាំងនឹងជំងឺរបេង ដើម្បីអនាគតកម្ពុជា និងពិភពលោកគ្មានជំងឺនេះបន្តទៅទៀត*ក្រសួងសេដ្ឋកិច្ច ណែនាំពីវិធានការបន្ធូរបន្ថយបន្ទុកអាករលើតម្លៃបន្ថែម ចំពោះការផ្គត់ផ្គង់ប្រេងសាំងធម្មតា និងប្រេងម៉ាស៊ូត ដើម្បីសម្រួលជីវភាពរបស់ប្រជាពលរដ្ឋ *រដ្ឋមន្ត្រីក្រសួងព័ត៌មាន៖ គោលនយោបាយជាតិស្តីពី ភូមិ ឃុំ សង្កាត់ មានសុវត្ថិភាព គាំទ្រទៅលើគោលនយោបាយយុទ្ធសាស្ត្ររបស់រដ្ឋាភិបាលនៅក្នុងការអភិវឌ្ឍប្រទេស*សម្ដេចតេជោ ហ៊ុន សែន៖ កម្ពុជានិងឡាវ ជាមិត្តដែលមានចិត្តស្មោះសនឹងគ្នាជានិច្ច

អ្នកជំនាញអារ្យធម៌ខ្មែរ៖ តើការប្រសិទ្ធនាមឈ្មោះអាកាសយានដ្ឋានអន្ដរជាតិ “តេជោ” ឆ្លុះបញ្ចាំងអំពីគុណតម្លៃប្រពៃណីខ្មែរតាំងពីបុរាណយ៉ាងណា?

ព័ត៌មានជាតិ

ភ្នំពេញ)៖ អ្នកជំនាញអារ្យធម៌ខ្មែរ លោក រត្ន័ សណ្ដាប់ បានថ្លែងថានៅលើផែនដីកម្ពុជានៃដើមស.វ.ទី២១ដ៏ស្រស់បវរនេះ, បើនិយាយអំពីការប្រសិទ្ធនាមឈ្មោះអាកាសយានដ្ឋានអន្ដរជាតិ “តេជោ” ដែលនឹងត្រូវសម្ពោធដាក់ឲ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់បំផុត សម្ដេចបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងលោកជំទាវពេជ ចន្ទមុន្នី ហ៊ុន ម៉ាណែត នៅថ្ងៃទី២០ តុលា ឆ្នាំ២០២៥ គឺនៅថ្ងៃស្អែកនេះ មានផ្ទៃដីទំហំ ២,៦០០ហិកតា ក្រោមទុនវិនិយោគប្រមាណ ១,៥០០លានដុល្លារអាមរិក គឺមានវិសាលភាពដ៏ធំមហិមាយ៉ាងទំនើបល្អប្រណិត និងជាប់ចំណាត់ថ្នាក់ទី៩ ក្នុងចំណោមព្រលានយន្ដហោះអន្ដរជាតិធំៗមហិមាលើពិភពលោក ដែលស្ថិតនៅក្រុងតាខ្មៅ ខេត្ដកណ្ដាល ក្រោមអំណរសាទរពីភ្ញៀវជាតិ និងអន្ដរជាតិយ៉ាងប្រពៃថ្លៃថ្លា។

 

បើពោលចំពោះការប្រសិទ្ធនាមឈ្មោះអាកាសយានដ្ឋានអន្ដរជាតិ “តេជោ” ដោយភ្ជាប់ “គោរមងារ” នេះ គឺពិតជាឆ្លុះបញ្ចាំងអំពីប្រពៃណីដ៏ល្អផូរផង់របស់ខ្មែរយើងតាំងពីបុរាណ ពិសេសសម័យចក្រភពអង្គរដ៏រុងរឿងនៃយើង។ ព្រោះបេីយេីងងាកទៅមើលអាណាចក្រខ្មែរ កាលពីសម័យបុរាណយើងឃើញថានាសម័យចេនឡាក្នុងរាជ្យព្រះបាទឦសានវម៌ទី១ ព្រះអង្គ បានកសាងក្រុមប្រាសាទសំបូរព្រៃគុក ដើមស.វ.ទី៧ រាជធានីមានឈ្មោះថា”ឦសានបុរៈ” គឺជាឈ្មោះព្រះនាមរបស់ព្រះអង្គផ្ទាល់។

 

ហេតុនេះចំពោះប្រពៃណីភ្ជាប់ឈ្មោះព្រះបរមនាម ទុកជានិមិត្ដរូបសមិទ្ធផលធំៗប្រចាំអាណាចក្រដ៏ប្រពៃថ្លៃថ្លានេះ បានបន្ដមកដល់កូនចៅជំនាន់ក្រោយៗ មកដល់សម័យចក្រភពអង្គរដ៏រុងរឿងនៃយើងយ៉ាងរស់រវើក ដូចជាក្នុងរាជព្រះបាទយសោវម៌ទី១ ទ្បើងគ្រងរាជ្យឆ្នាំ៨៨៩ ចុងស.វ.ទី៩ ព្រះអង្គបានកសាងប្រាសាទភ្នំបាខែង នៅលើវ្នំកណ្ដាល(ភ្នំកណ្ដាល) នៃចក្រភពអង្គរ, រាជធានីនាសម័យនោះមានឈ្មោះថា យសោធរបុរ(Yaśōdharapura) គឺជាឈ្មោះព្រះនាមរបស់ព្រះអង្គផ្ទាល់ , បន្ទាប់មកទៀតព្រះអង្គ បានជីកបារាយណ៍សួគ៌ខាងកើតដ៏ធំមហិមាគឺមានបណ្ដោយ៧,១២០គ.ម.និងទទឹង១,៧០០គ.ម. មានឈ្មោះថា “យសោធរតដាក” ដែលជាឈ្មោះព្រះនាមរបស់ព្រះអង្គ ផ្ទាល់ផងដែរ។

 

លោក រ័ត្ន សណ្ដាប់ បន្ដថា បច្ចុប្បន្ន បើយើងងាកទៅមើលបណ្តាប្រទេសមហាអំណាចជឿនលឿននានាលេីពិភពលោក គេក៏បានប្រសិទ្ធនាមឈ្មោះ មេដឹកនាំរបស់គេ ដើម្បីទុកជានិមិត្ដរូបសមិទ្ធិផលជាតិធំៗ ប្រចាំជាតិគេយ៉ាងប្រពៃថ្លៃថ្លាផងដែរ ដូចជាប្រទេសបារំាង អាកាសយានដ្ឋានអន្ដរជាតិ Charles de Gaulle ជាឈ្មោះប្រធានាធិបតីរបស់គេផ្ទាល់, សហរដ្ឋអាមេរិក អាកាសយានដ្ឋានអន្ដរជាតិ John F. Kennedy International Airport ជាឈ្មោះប្រធានាធិបតីរបស់គេផ្ទាល់ ឬរហូតគេកំណត់យកប្រធានាធិបតីទី១ លោក ចច វ៉ាស៊ីនតោន- George Washington ឆ្នាំ១៧៨៩ ដោយចាត់ទុកជា “បិតារដ្ឋបុរស” គឺជាបុព្វបុរសដើមបស់ជាតិគេទៀតផង។ ដូច្នេះចំពោះប្រពៃណីប្រសិទ្ធនាមឈ្មោះ របស់មេដឹកនាំរបស់ជាតិ ចារឹកជាសមិទ្ធិផលធំៗ ប្រចំាជាតិ គឺជាការបណ្តុះស្មារតីស្រឡាញ់ជាតិ មាតុភូមិ ដើម្បីទុកឲ្យកូនចៅជំនាន់ក្រោយចងចាំគ្រប់ៗជំនាន់ ដោយហេតុថា សម្តេចតេជោ ហ៊ុន សែន ជាបិតារដ្ឋបុរសសន្ដិភាព នៃកម្ពុជរដ្ឋសម័យទំនើប៕