*ក្រសួងការងារ៖ ខេត្តស្វាយរៀងមានឱកាសការងារជិត ៤ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ*ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ*ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំពិនិត្យ វាយតម្លៃផែនការការពារសន្ដិសុខ សណ្ដាប់ធ្នាប់កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាត្រៀមទទួលមេដឹកនាំជាង៩០ប្រទេស មានទាំងប្រធានាធិបតីបារាំង លោក ម៉ាក្រុង, សមត្ថកិច្ចជិត២ម៉ឺននាក់ ត្រៀមការពារ*ប្រធានគណៈកម្មាធិការជាតិ នៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណសម្ដេចតេជោ ហ៊ុន សែន ចំពោះលិខិតអបអរសាទរ ខួបលើកទី៧៧ ថ្ងៃបង្កើតសាធារណរដ្ឋប្រជាមានិតចិន*សម្តេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ចាត់ក្រុមការងារនាំយកស្ដ្រីពិការជើងម្នាក់ដែលមិនអាចធ្វើការរកប្រាក់ចំណូល ទៅពិនិត្យព្យាបាល នៅមន្ទីរពេទ្យតេជោសន្តិភាព*លោកស្រីម្នាក់ ដែលបានអះអាងថាជាជនរងគ្រោះ កើតទុក្ខមិនសុខចិត្ត ពាក់ព័ន្ធរឿងលេងតុងទីន សន្យាសងប្រាក់ តែមិនបានដូចការគ្រងទុក (វគ្គ១)*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ភាគីម្ចាស់ប្រាក់ស្នើឱ្យអ្នកស្រី ពេញ ឆវី និងអ្នកស្រី ពេញ វិច្ឆន្នី ព្រមទាំងម្ដាយ ចូលខ្លួនដោះស្រាយបញ្ហាប្រាក់នៅសល់ ពាក់ព័ន្ធនឹងការលេងតុងទីនជាបន្ទាន់*ក្រុមជំនួយការសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តនាំយកអំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០តោនបន្ថែម*កង់អាគុយ និងរទេះរុញ ដែលពលរដ្ឋស្នើសុំសម្តេចធិបតី បានប្រគល់ដល់ដៃម្ចាស់សំណើហើយ *ប្រធានាធិបតីចិន ស៊ី ជីនពីង ផ្ញើសារថ្លែងអំណរគុណ សម្តេចតេជោ ហ៊ុន សែន និងប្តេជ្ញាបន្តរក្សាទំនាក់ទំនងជាយុទ្ធសាស្ត្រ ដើម្បីជំរុញសហគមន៍វាសនារួមចិន-កម្ពុជាគ្រប់រដូវកាល*ប្រធានគណៈកម្មាធិការជាតិនៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណ និងជូនពរសម្តេចតេជោ ហ៊ុន សែន ដែលបានផ្ញើលិខិតអបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន*បណ្ឌិត សួន សុខឌឿន អញ្ជើញចូលរួមពិធីប្រកាសទទួលស្គាល់សមាសភាពក្រុមជំនួយការផ្នែកវប្បធម៌ និងសាសនា*សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃទី៣០ ខែតុលា ឆ្នាំ២០២៦នេះ បានអញ្ជើញជាអធិបតីភាពក្នុងកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានប្រចាំត្រីមាសទី៣ ឆ្នាំ២០២៦ និងទិសដៅការងារបន្តរបស់ក្រុមការងារ។*រដ្ឋមន្ត្រី នេត្រ ភក្ត្រា លើកទឹកចិត្តឱ្យក្រុមហ៊ុនផ្សាយពាណិជ្ជកម្ម បង្កើនសារអប់រំសុខភាព សុវត្ថិភាពចរាចរណ៍ និងជម្រើសប្រើប្រាស់ប្រកបដោយការយល់ដឹង*ប្រធានក្រុមប្រឹក្សាយោបល់សិក្សាធិការរបស់ចិន កោតសរសើរការដឹកនាំសម្តេច ហ៊ុន ម៉ាណែត តម្កល់ផលប្រយោជន៍ប្រជាជនជាអាទិភាព *លោក នេត្រ ភក្ត្រា បន្តណែនាំមន្ត្រីបក្សពង្រឹងសាមគ្គីភាព បម្រើពលរដ្ឋដោយស្មោះត្រង់ និងមិនត្រូវឆ្អែតឆ្អន់ចំពោះការធ្វើអំពើល្អជាមួយពលរដ្ឋឡើយ*លោក នេត្រ ភក្ត្រា៖ ការដាក់ចេញគោលនយោបាយត្រឹមត្រូវរបស់បក្សប្រជាជន និងការគិតគូរសុខទុក្ខពលរដ្ឋ ជាមូលដ្ឋានគ្រឹះនៃជំនឿទុកចិត្តបោះឆ្នោតគាំទ្រឱ្យបន្តដឹកនាំប្រទេស

ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ

ព័ត៌មានជាតិ

(ភ្នំពេញ)៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៅព្រឹកថ្ងៃទី២ ខែវិច្ឆិកា ឆ្នាំ២០២៦ បានថ្លែងថា មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ។

 

ការថ្លែងបែបនេះរបស់លោក បានធ្វើឡើងនាឱកាសដែល លោក អញ្ជើញជាអធិបតីបើកសិក្ខាសាលាស្ដីពី «បច្ចុប្បន្នភាពស្ថានភាពសេដ្ឋកិច្ចកម្ពុជា សម្រាប់មន្ត្រីការទូតកម្ពុជា»។

 

គោលបំណងនៃសិក្ខាសាលានេះផ្តល់បច្ចុប្បន្នភាពអំពីស្ថានភាព និងទស្សនវិស័យសេដ្ឋកិច្ចកម្ពុជា ក្នុងឆ្នាំ២០២៦ និងកត្តាសំខាន់ៗ ដែលជះឥទ្ធិពលដល់កំណើនសេដ្ឋកិច្ច។ ក្រៅពីនេះក៏នឹងពិភាក្សា និងវាយតម្លៃ អំពីផលប៉ះពាល់នៃបញ្ហាប្រឈមសំខាន់ៗ ជាពិសេសស្ថានការណ៍ជម្លោះព្រំដែន កម្ពុជា-ថៃ ការធ្លាក់ចុះនៃទេសចរណ៍ ការកើនឡើងថ្លៃថាមពល និងភាពមិនប្រាកដប្រជានៃពាណិជ្ជកម្មសកល។

 

សិក្ខាសាលានេះ ក៏នឹងចែករំលែកព័ត៌មានបច្ចុប្បន្នភាពគោលនយោបាយ និងវិធានការនានា ដែលបានដាក់ចេញដោយ ក្រសួង-ស្ថាប័នពាក់ព័ន្ធនាអំឡុងឆ្នាំ២០២៦ និងការទប់ស្កាត់ផលប៉ះពាល់នៃបញ្ហាប្រឈមខាងលើ និងពង្រឹងការយល់ដឹងអំពីតួនាទីមន្ត្រីការទូត ក្នុងការចូលរួមអនុវត្តគោលនយោបាយ និងវិធានការខាងលើ។

 

លោកឧបនាយករដ្ឋមន្ត្រី បានមានប្រសាសន៍ថា មន្ត្រីការទូតត្រូវតែយល់ដឹងពីគោលនយោបាយសេដ្ឋកិច្ចរបស់កម្ពុជា ដើម្បីទាក់ទាញវិនិយោគិនពីបណ្ដាប្រទេសនានាមកបណ្ដាក់ទុននៅកម្ពុជា។ លោក បញ្ជាក់ថា «មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ។ ការយល់ដឹងបន្ថែមពីវិស័យអាទិភាពរបស់ជាតិ គឺជារឿងចាំបាច់»។

 

ប្រមុខការទូតកម្ពុជា បានលើកឡើងថា គេអាចវាស់ខ្ទង់អំណាចរបស់រដ្ឋមួយ លើឥទ្ធិពលនយោបាយ និងយោធា តែក៏មិនភ្លេចសម្លឹងលើសមត្ថភាពផលិតរបស់រដ្ឋនោះ សម្រាប់ប្រើប្រាស់ក្នុងស្រុក និងការនាំចេញ គួបផ្សំនឹងសមត្ថភាពទាក់ទាញការវិនិយោគរបស់រដ្ឋនោះផងដែរ។

 

លោកឧបនាយករដ្ឋមន្ត្រី មានប្រសាសន៍ថា កម្ពុជាមានប្រៀបផ្នែកសេដ្ឋកិច្ចច្រើន បូករួមនឹងស្ថានភាពភូមិសាស្ត្រអំណោយផលទៅលើវិស័យសំខាន់ៗដូចជា ទេសចរណ៍ កសិកម្ម ឧស្សាហកម្ម និងសេវាកម្មជាដើម ដែលមន្ត្រីការទូតអាចលើកឡើងជូនទៅវិនិយោគិនបរទេស។

 

រដ្ឋមន្ត្រីការបរទេស បានផ្ដល់នូវអនុសាសន៍គន្លឹះសំខាន់ៗដល់មន្ត្រីការទូត សំដៅស្វែងយល់ពីកាលានុវត្តភាពថ្មីៗដែលកម្ពុជាអាចទាក់ទាញវិនិយោគិនបរទេស មកបោះទុនវិនិយោគបាន ក្នុងគោលដៅជំរុញសេដ្ឋកិច្ចជាតិរបស់យើង។ ក្រៅពីការស្វែងយល់ពីគោលនយោបាយក្នុងស្រុក មន្ត្រីការទូតក៏ត្រូវស្វែងយល់ពីគោលនយោបាយសេដ្ឋកិច្ច និងស្ថានភាពទីផ្សារជាសកល។

 

លោកឧបនាយករដ្ឋមន្ត្រី ប្រាក់ សុខុន រំពឹងថាអង្គសិក្ខាសាលានឹងផ្ដល់នូវធាតុចូលបន្ថែមពីកាលនុវត្តភាពថ្មីៗរបស់កម្ពុជាដល់មន្ត្រីការទូតទាំងអស់ ឱ្យស្របតាមចក្ខុវិស័យរបស់រាជរដ្ឋាភិបាល និងគោលនយោបាយសេដ្ឋកិច្ចជាតិ៕