*ក្រសួងការងារ៖ ខេត្តស្វាយរៀងមានឱកាសការងារជិត ៤ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ*ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ*ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំពិនិត្យ វាយតម្លៃផែនការការពារសន្ដិសុខ សណ្ដាប់ធ្នាប់កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាត្រៀមទទួលមេដឹកនាំជាង៩០ប្រទេស មានទាំងប្រធានាធិបតីបារាំង លោក ម៉ាក្រុង, សមត្ថកិច្ចជិត២ម៉ឺននាក់ ត្រៀមការពារ*ប្រធានគណៈកម្មាធិការជាតិ នៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណសម្ដេចតេជោ ហ៊ុន សែន ចំពោះលិខិតអបអរសាទរ ខួបលើកទី៧៧ ថ្ងៃបង្កើតសាធារណរដ្ឋប្រជាមានិតចិន*សម្តេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ចាត់ក្រុមការងារនាំយកស្ដ្រីពិការជើងម្នាក់ដែលមិនអាចធ្វើការរកប្រាក់ចំណូល ទៅពិនិត្យព្យាបាល នៅមន្ទីរពេទ្យតេជោសន្តិភាព*លោកស្រីម្នាក់ ដែលបានអះអាងថាជាជនរងគ្រោះ កើតទុក្ខមិនសុខចិត្ត ពាក់ព័ន្ធរឿងលេងតុងទីន សន្យាសងប្រាក់ តែមិនបានដូចការគ្រងទុក (វគ្គ១)*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ភាគីម្ចាស់ប្រាក់ស្នើឱ្យអ្នកស្រី ពេញ ឆវី និងអ្នកស្រី ពេញ វិច្ឆន្នី ព្រមទាំងម្ដាយ ចូលខ្លួនដោះស្រាយបញ្ហាប្រាក់នៅសល់ ពាក់ព័ន្ធនឹងការលេងតុងទីនជាបន្ទាន់*ក្រុមជំនួយការសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តនាំយកអំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០តោនបន្ថែម*កង់អាគុយ និងរទេះរុញ ដែលពលរដ្ឋស្នើសុំសម្តេចធិបតី បានប្រគល់ដល់ដៃម្ចាស់សំណើហើយ *ប្រធានាធិបតីចិន ស៊ី ជីនពីង ផ្ញើសារថ្លែងអំណរគុណ សម្តេចតេជោ ហ៊ុន សែន និងប្តេជ្ញាបន្តរក្សាទំនាក់ទំនងជាយុទ្ធសាស្ត្រ ដើម្បីជំរុញសហគមន៍វាសនារួមចិន-កម្ពុជាគ្រប់រដូវកាល*ប្រធានគណៈកម្មាធិការជាតិនៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណ និងជូនពរសម្តេចតេជោ ហ៊ុន សែន ដែលបានផ្ញើលិខិតអបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន*បណ្ឌិត សួន សុខឌឿន អញ្ជើញចូលរួមពិធីប្រកាសទទួលស្គាល់សមាសភាពក្រុមជំនួយការផ្នែកវប្បធម៌ និងសាសនា*សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃទី៣០ ខែតុលា ឆ្នាំ២០២៦នេះ បានអញ្ជើញជាអធិបតីភាពក្នុងកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានប្រចាំត្រីមាសទី៣ ឆ្នាំ២០២៦ និងទិសដៅការងារបន្តរបស់ក្រុមការងារ។*រដ្ឋមន្ត្រី នេត្រ ភក្ត្រា លើកទឹកចិត្តឱ្យក្រុមហ៊ុនផ្សាយពាណិជ្ជកម្ម បង្កើនសារអប់រំសុខភាព សុវត្ថិភាពចរាចរណ៍ និងជម្រើសប្រើប្រាស់ប្រកបដោយការយល់ដឹង*ប្រធានក្រុមប្រឹក្សាយោបល់សិក្សាធិការរបស់ចិន កោតសរសើរការដឹកនាំសម្តេច ហ៊ុន ម៉ាណែត តម្កល់ផលប្រយោជន៍ប្រជាជនជាអាទិភាព *លោក នេត្រ ភក្ត្រា បន្តណែនាំមន្ត្រីបក្សពង្រឹងសាមគ្គីភាព បម្រើពលរដ្ឋដោយស្មោះត្រង់ និងមិនត្រូវឆ្អែតឆ្អន់ចំពោះការធ្វើអំពើល្អជាមួយពលរដ្ឋឡើយ*លោក នេត្រ ភក្ត្រា៖ ការដាក់ចេញគោលនយោបាយត្រឹមត្រូវរបស់បក្សប្រជាជន និងការគិតគូរសុខទុក្ខពលរដ្ឋ ជាមូលដ្ឋានគ្រឹះនៃជំនឿទុកចិត្តបោះឆ្នោតគាំទ្រឱ្យបន្តដឹកនាំប្រទេស

កម្ពុជា-អាស៊ែបៃហ្សង់ រៀបចំវេទិកាធុរកិច្ច, សម្តេចមហាបវរធិបតី រំលេចអត្ថប្រយោជន៍ចំនួន៦ លើកទឹកចិត្តអ្នកវិនិយោគអាស៊ែបៃហ្សង់ មកវិនិយោគនៅកម្ពុជា

ព័ត៌មានជាតិ

(បាគូ, អាស៊ែបៃហ្សង់)៖ ក្នុងដំណើរអញ្ជើញបំពេញទស្សនកិច្ចនៅអាស៊ែបៃហ្សង់ នៅរសៀលថ្ងៃទី១២ ខែតុលា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជាអធិបតីក្នុងវេទិកាធុរកិច្ចកម្ពុជា-អាស៊ែបៃហ្សង់ ដែលជាវេទិកាដ៏សំខាន់ផ្សព្វផ្សាយពីសក្តានុពលវិនិយោគនៅកម្ពុជា ក៏ដូចជាលើកទឹកចិត្តអ្នកវិនិយោគរបស់អាស៊ែបៃហ្សង់ ចូលមកវិនិយោគនៅកម្ពុជា។

 

វេទិកាធុរកិច្ចកម្ពុជា-អាស៊ែបៃហ្សង់ ក្រោមកិច្ចសហការរវាងក្រសួងពាណិជ្ជកម្មកម្ពុជា ក្រសួងសេដ្ឋកិច្ចអាស៊ែបៃហ្សង់ ស្ថានទូតនៃប្រទេសទាំងពីរ និងសភាពាណិជ្ជកម្ម។ វេទិកាធុរកិច្ចនេះ មានការអញ្ជើញចូលរួមពីលោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា និងលោក មីខាអៀល ហ្សាប់ប៉ារ៉ូវ រដ្ឋមន្ត្រីក្រសួងសេដ្ឋកិច្ចអាស៊ែបៃហ្សង់ ព្រមទាំងអ្នកធ្វើធុរកិច្ចកម្ពុជា និងអាស៊ែបៃហ្សង់ជាច្រើនរូបផ្សេងទៀត។

 

វេទិកាធុរកិច្ចនេះ ត្រូវបានគាំទ្រ និងជំរុញឱ្យរៀបចំឡើងដោយសម្តេចមហាបវរធិបតី ហ៊ុន ម៉ាណែទ ក្នុងការនៃការអញ្ជើញបំពេញទស្សនកិច្ចផ្លូវការនៅអាស៊ែបៃហ្សង់ ក្នុងគោលដៅផ្គូផ្គងអ្នកធ្វើជំនួញនៅកម្ពុជា និងអាស៊ែបៃហ្សង់ ផ្សព្វផ្សាយសក្តានុពលនៃការវិនិយោគ ច្បាប់ពាក់ព័ន្ធការវិនិយោគ និងគោលនយោបាយលើកទឹកចិត្តនានាសម្រាប់ការវិនិយោគនៅកម្ពុជា ទៅកាន់អ្នកវិនិយោគអាស៊ែបៃហ្សង់។

 

សម្តេចមហាបវរធិបតី ហ៊ុន ម៉ាណែត មានប្រសាសន៍ក្នុងវេទិកានោះថា វេទិកានេះប្រព្រឹត្តទៅចំពេលដែលពិភពលោកកំពុងមានការផ្លាស់ប្តូរយ៉ាងឆាប់រហ័ស ដែលកំពុងរៀបចំឡើងវិញនូវខ្សែសង្វាក់ផ្គត់ផ្គង់ និងការសម្រេចចិត្តវិនិយោគ។ ក្នុងបរិបទនេះ កម្ពុជា និងអាស៊ែបៃហ្សង់ នៅតែប្តេជ្ញាចិត្តពង្រឹងកិច្ចសហប្រតិបត្តិការ និងទាញយកប្រយោជន៍ពីភាពខ្លាំងបំពេញគ្នាទៅវិញទៅមក ដោយទំនាក់ទំនងទ្វេភាគីកំពុងទទួលបានសន្ទុះក្នុងវិស័យពាណិជ្ជកម្ម វិនិយោគ ទេសចរណ៍ ការតភ្ជាប់ និងការផ្លាស់ប្តូរប្រជាជនទៅវិញទៅមក។

 

សម្តេចមហាបវរធិបតី ហ៊ុន ម៉ាណែទ បានគូសរំលេចពីប្រវត្តិទំនាក់ទំនងរវាងកម្ពុជា និងអាស៊ែបៃហ្សង់ ព្រមទាំងរំលឹកពីដំណើរទស្សនកិច្ចរបស់សម្តេចតេជោ ហ៊ុន សែន ទៅកាន់អាស៊ែបៃហ្សង់ កាលពីឆ្នាំ២០១៤ ដែលជាដំណើរទស្សនកិច្ចបានដាក់ចេញមូលដ្ឋានគ្រឹះសម្រាប់ពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ។

 

សម្តេចនាយករដ្ឋមន្ត្រី បានគូសរំលេចថា ទោះបីកិច្ចសហប្រតិបត្តិការសេដ្ឋកិច្ចរវាងកម្ពុជា និងអាស៊ែបៃហ្សង់ ស្ថិតក្នុងដំណាក់កាលដំបូងនៅឡើយក្តី តែប្រទេសទាំងពីរនៅមានសក្តានុពលជាច្រើន សម្រាប់ពង្រីកបន្ថែម។ ក្នុងន័យនេះ កម្ពុជា និងអាស៊ែបៃហ្សង់ គួរផ្តោតការយកចិត្តទុកដាក់លើការធ្វើពិពិធកម្មមុខទំនិញ និងសេវាកម្ម សម្រាប់ការធ្វើពាណិជ្ជកម្ម និងការជំរុញការផ្លាស់ប្តូរធុរកិច្ចទៅធុរកិច្ច និងស្វែងរកវិស័យថ្មីៗនៃការវិនិយោគ និងកិច្ចសហប្រតិបត្តិការសេដ្ឋកិច្ច។

 

សម្តេចមហាបវរធិបតី ហ៊ុន ម៉ាណែត បានបង្ហាញជំនឿយ៉ាងមុតមាំថា ជាមួយនឹងការចូលរួមយ៉ាងខ្លាំងក្លាពីវិស័យសាធារណៈ និងឯកជន កម្ពុជា និងអាស៊ែបៃហ្សង់ អាចទាញស្តារសក្តានុពលកិច្ចសហប្រតិបត្តិការសេដ្ឋកិច្ចពេញលេញរវាងប្រទេសទាំងពីរ និងកសាងភាពជាដៃគូដែលមានភាពរស់រវើក និងផលប្រយោជន៍ទៅវិញទៅមក។

 

សម្តេចមហាបវរធិបតី ហ៊ុន ម៉ាណែត លើកឡើងដែរថា កម្ពុជា និងអាស៊ែបៃហ្សង់ មានរចនាសម្ព័ន្ធសេដ្ឋកិច្ចបំពេញឲ្យគ្នាទៅវិញទៅមក ដែលផ្តល់សក្តានុពលយ៉ាងខ្លាំងក្លាសម្រាប់សហស្ថានភាពពាណិជ្ជកម្ម។ ខណៈដែលអាស៊ែបៃហ្សង់ មានភាពលេចធ្លោក្នុងវិស័យថាមពល គីមីឥន្ធនៈ ថាមពលកកើតឡើងវិញ បច្ចេកវិទ្យា កសិកម្ម ឡូជីស្ទីក និងហេដ្ឋារចនាសម្ព័ន្ធឌីជីថល កម្ពុជាមានវិស័យកម្មន្តសាល ប្រកបដោយចីរភាព វិស័យកសិកម្មដ៏ល្អប្រសើរ កម្លាំងពលកម្មវ័យក្មេង ដែលងាយសម្របខ្លួន ការចាប់យកថាមពលស្អាតកាន់តែច្រើន និងការទទួលបានអនុគ្រោះពាណិជ្ជកម្មទៅកាន់ទីផ្សារក្នុងតំបន់។

 

សម្រាប់សម្តេចមហាបវរធិបតី តាមរយៈការរួមបញ្ចូលគ្នានូវឧត្តមភាពទាំងនេះ អាចបង្កើតប្រព័ន្ធអេកូឡូស៊ីប្រកបដោយចីរភាពដែលជំរុញឲ្យធុរកិច្ចរបស់យើងរីកចម្រើនជាមួយគ្នា។

 

ដើម្បីទាក់ទាញការចាប់អារម្មណ៍របស់អ្នកធ្វើធុរកិច្ចរបស់អាស៊ែបៃហ្សង់នោះ សម្តេចមហាបវរធិបតី ហ៊ុន ម៉ាណែត បានលើកបង្ហាញអត្ថប្រយោជន៍ជាក់ស្តែងចំនួន៦ ដែលកម្ពុជាផ្តល់ជូនវិនិយោគិន។ អត្ថប្រយោជន៍ទាំង៦នោះ រួមមាន៖

 

ទី១៖ កម្លាំងពលកម្មប្រកបដោយថាមវន្ត៖ កម្លាំងពលកម្មរបស់កម្ពុជាមានវ័យក្មេង ថាមវន្ត រៀនសូត្របានលឿន និងប្រើប្រាស់បច្ចេកវិទ្យាបានយ៉ាងស្ទាត់ជំនាញ ដោយ៦០ភាគរយ នៃប្រជាជនមានអាយុក្រោម ៣៥ឆ្នាំ។

 

ទី២៖ បរិយាកាសធុរកិច្ចមានអំណោយផល និងការលើកទឹកចិត្ត៖ បរិយាកាសធុរកិច្ចរបស់កម្ពុជាមានលក្ខណៈសេរី និងផ្តោតលើវិនិយោគិន ដោយផ្តល់ការលើកទឹកចិត្ត សំបូរបែប និងតាមតម្រូវការរហូតដល់១២ឆ្នាំ នៃការលើកលែងពន្ធ និងអនុញ្ញាតឱ្យមានកម្មសិទ្ធិបរទេស ១០០ភាគរយ ដោយគ្មានការរឹតត្បិតលើការផ្ទេរប្រាក់ចំណេញ ឬដើមទុន។ រាជរដ្ឋាភិបាល ក៏បានអនុវត្តកំណែទម្រង់ រួមទាំងកាត់បន្ថយបទប្បញ្ញត្តិស្មុគស្មាញផ្សេងៗ និងការលើកកម្ពស់តួនាទីរបស់ក្រុមប្រឹក្សាអភិវឌ្ឍន៍កម្ពុជា (CDC) ជាច្រកចេញចូលតែមួយសម្រាប់ការដាក់ពាក្យស្នើសុំវិនិយោគ។

 

ទី៣៖ ការគាំទ្រដ៏រឹងមាំពីសំណាក់រាជរដ្ឋាភិបាល៖ កម្ពុជា យកចិត្តទុកដាក់យ៉ាងខ្លាំងលើភាពជោគជ័យបន្តរបស់វិនិយោគិន រួមទាំងតាមរយៈសេវាកម្មថែទាំក្រោយការវិនិយោគដែលផ្តល់ដោយ CDC និងការរៀបចំនូវយន្តការប្រឹក្សាយោបល់ជាប្រចាំដើម្បីដោះស្រាយកង្វល់របស់វិនិយោគិន។ យន្តការទាំងនេះរួមមានវេទិការាជរដ្ឋាភិបាល-វិស័យឯកជន ដែលដឹកនាំដោយនាយករដ្ឋមន្ត្រី ក៏ដូចជាកិច្ចសន្ទនាពិគ្រោះប្រឹក្សាយោបល់រវាង CDC និងសមាគមធុរកិច្ចបរទេស និងស្ថានទូតនានា។

 

ទី៤៖ ទីតាំងយុទ្ធសាស្ត្រ និងការតភ្ជាប់៖ ស្ថិតនៅចំកណ្តាលអាស៊ាន កម្ពុជាផ្តល់នូវបណ្តាញតភ្ជាប់ការដឹកជញ្ជូន ឡូជីស្ទីកប្រកបដោយភាពងាយស្រួល និងតម្លៃសមស្របនៅក្នុងតំបន់។ ការវិនិយោគដ៏ច្រើនរបស់កម្ពុជាលើហេដ្ឋារចនាសម្ព័ន្ធ និងប្រព័ន្ធដឹកជញ្ជូន រួមទាំងការសាងសង់ព្រែកជីកហ្វូណនតេជោ ដែលកំពុងដំណើរការ នឹងជួយកាត់បន្ថយថ្លៃដើមដឹកជញ្ជូនបន្ថែមទៀត និងបង្កើនប្រសិទ្ធភាពប្រតិបត្តិការធុរកិច្ច,,,,,។