*ក្រសួងការងារ៖ ខេត្តស្វាយរៀងមានឱកាសការងារជិត ៤ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ*ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ*ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំពិនិត្យ វាយតម្លៃផែនការការពារសន្ដិសុខ សណ្ដាប់ធ្នាប់កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាត្រៀមទទួលមេដឹកនាំជាង៩០ប្រទេស មានទាំងប្រធានាធិបតីបារាំង លោក ម៉ាក្រុង, សមត្ថកិច្ចជិត២ម៉ឺននាក់ ត្រៀមការពារ*ប្រធានគណៈកម្មាធិការជាតិ នៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណសម្ដេចតេជោ ហ៊ុន សែន ចំពោះលិខិតអបអរសាទរ ខួបលើកទី៧៧ ថ្ងៃបង្កើតសាធារណរដ្ឋប្រជាមានិតចិន*សម្តេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ចាត់ក្រុមការងារនាំយកស្ដ្រីពិការជើងម្នាក់ដែលមិនអាចធ្វើការរកប្រាក់ចំណូល ទៅពិនិត្យព្យាបាល នៅមន្ទីរពេទ្យតេជោសន្តិភាព*លោកស្រីម្នាក់ ដែលបានអះអាងថាជាជនរងគ្រោះ កើតទុក្ខមិនសុខចិត្ត ពាក់ព័ន្ធរឿងលេងតុងទីន សន្យាសងប្រាក់ តែមិនបានដូចការគ្រងទុក (វគ្គ១)*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ភាគីម្ចាស់ប្រាក់ស្នើឱ្យអ្នកស្រី ពេញ ឆវី និងអ្នកស្រី ពេញ វិច្ឆន្នី ព្រមទាំងម្ដាយ ចូលខ្លួនដោះស្រាយបញ្ហាប្រាក់នៅសល់ ពាក់ព័ន្ធនឹងការលេងតុងទីនជាបន្ទាន់*ក្រុមជំនួយការសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តនាំយកអំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០តោនបន្ថែម*កង់អាគុយ និងរទេះរុញ ដែលពលរដ្ឋស្នើសុំសម្តេចធិបតី បានប្រគល់ដល់ដៃម្ចាស់សំណើហើយ *ប្រធានាធិបតីចិន ស៊ី ជីនពីង ផ្ញើសារថ្លែងអំណរគុណ សម្តេចតេជោ ហ៊ុន សែន និងប្តេជ្ញាបន្តរក្សាទំនាក់ទំនងជាយុទ្ធសាស្ត្រ ដើម្បីជំរុញសហគមន៍វាសនារួមចិន-កម្ពុជាគ្រប់រដូវកាល*ប្រធានគណៈកម្មាធិការជាតិនៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណ និងជូនពរសម្តេចតេជោ ហ៊ុន សែន ដែលបានផ្ញើលិខិតអបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន*បណ្ឌិត សួន សុខឌឿន អញ្ជើញចូលរួមពិធីប្រកាសទទួលស្គាល់សមាសភាពក្រុមជំនួយការផ្នែកវប្បធម៌ និងសាសនា*សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល*សេចក្តីជូនដំណឹងដល់សាធារណជន និងអាជ្ញាធរមានសមត្ថកិច្ចគ្រប់លំដាប់ថ្នាក់ឱ្យបានជ្រាបថា៖ យោងតាមការស្នើសុំពីសាមីខ្លួនដែលជាម្ចាស់ដី បានបាត់បង់ លិខិតធ្វើអំណោយដាច់ខាត*ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅព្រឹកថ្ងៃទី៣០ ខែតុលា ឆ្នាំ២០២៦នេះ បានអញ្ជើញជាអធិបតីភាពក្នុងកិច្ចប្រជុំបូកសរុបសកម្មភាព និងលទ្ធផលការងារចុះមូលដ្ឋានប្រចាំត្រីមាសទី៣ ឆ្នាំ២០២៦ និងទិសដៅការងារបន្តរបស់ក្រុមការងារ។*រដ្ឋមន្ត្រី នេត្រ ភក្ត្រា លើកទឹកចិត្តឱ្យក្រុមហ៊ុនផ្សាយពាណិជ្ជកម្ម បង្កើនសារអប់រំសុខភាព សុវត្ថិភាពចរាចរណ៍ និងជម្រើសប្រើប្រាស់ប្រកបដោយការយល់ដឹង*ប្រធានក្រុមប្រឹក្សាយោបល់សិក្សាធិការរបស់ចិន កោតសរសើរការដឹកនាំសម្តេច ហ៊ុន ម៉ាណែត តម្កល់ផលប្រយោជន៍ប្រជាជនជាអាទិភាព *លោក នេត្រ ភក្ត្រា បន្តណែនាំមន្ត្រីបក្សពង្រឹងសាមគ្គីភាព បម្រើពលរដ្ឋដោយស្មោះត្រង់ និងមិនត្រូវឆ្អែតឆ្អន់ចំពោះការធ្វើអំពើល្អជាមួយពលរដ្ឋឡើយ*លោក នេត្រ ភក្ត្រា៖ ការដាក់ចេញគោលនយោបាយត្រឹមត្រូវរបស់បក្សប្រជាជន និងការគិតគូរសុខទុក្ខពលរដ្ឋ ជាមូលដ្ឋានគ្រឹះនៃជំនឿទុកចិត្តបោះឆ្នោតគាំទ្រឱ្យបន្តដឹកនាំប្រទេស

ល្មមដល់ពេលប្រមូលអ្នកសារព័ត៌មានហ្វេសប៊ុកមករៀនក្រមសីលធម៌ហើយ!

ព័ត៌មានជាតិ


ថ្ងៃព្រហស្បតិ៍ ទី១ ខែតុលា ឆ្នាំ២០២៦ ម៉ោង ១១:៤៣ នាទី ព្រឹក
ល្មមដល់ពេលប្រមូលអ្នកសារព័ត៌មានហ្វេសប៊ុកមករៀនក្រមសីលធម៌ហើយ!
អ្នកកាសែតអនឡាញតាមសម្ភាសស្រ្តីមានផ្ទៃពោះម្នាក់ដែលកំពុងយំឡើងទន់ខ្លួន ក្រោយពីទទួលបានដំណឹងថាប្តីរបស់គាត់បានស្លាប់
លិខិតមិត្តអ្នកអាន
ដោយ លោក កែ មុនធិត ជាគ្រូបង្រៀនជំនាញសារព័ត៌មាននៅសាកលវិទ្យាល័យមួយក្នុងរាជធានីភ្នំពេញ

កាលពីពេលថ្មីៗនេះ មានការផ្សាយមាតិការបស់អង្គភាពសារព័ត៌មានអនឡាញមួយពាក់ព័ន្ធនឹងករណីគ្រោះថ្នាក់ចរាចរណ៍មួយ ដែលអាចចាត់ទុកបានថាជាឧទាហរណ៍អាក្រក់ក្នុងវិស័យព័ត៌មាន។ ករណីនេះចាំបាច់ត្រូវមានការយកចិត្តទុកដាក់ និងត្រូវការវិធីកែតម្រូវ ព្រោះវាពាក់ព័ន្ធនឹងទង្វើខ្វះសីលធម៌របស់បុគ្គលមួយក្រុមដែលជ្រកក្រោមស្លាកជាអ្នកសារព័ត៌មាន។

នៅក្នុងវីដេអូនេះ ស្រ្តីមានផ្ទៃពោះម្នាក់កំពុងយំឡើងទន់ខ្លួន ក្រោយពីទទួលបានដំណឹងថាប្តីរបស់គាត់ ដែលជាកម្មករដឹកជញ្ជូន ស្លាប់។ យោងតាមវីដេអូ បុរសនោះត្រូវបានឡានបុកនៅពេលដែលគាត់កំពុងបើកបរម៉ូតូ ត្រង់ចំណុចភូមិសាមគ្គី សង្កាត់ឫស្សីកែវ រាជធានីភ្នំពេញ នាពេលយប់រំលងអាធ្រាត្យ ឈានចូលថ្ងៃទី២៩ ខែកញ្ញា ឆ្នាំ២០២៦។

នៅក្នុងហេតុការណ៍ដ៏រន្ធត់នោះ ស្ត្រីជាភរិយាកំពុងមានទុក្ខសោក យំសោកបោកខ្លួនស្ទើតែដើរមិនចង់រួច ដោយមានបុរសម្នាក់ទៀតជួយគ្រាកុំឱ្យដួល។ យ៉ាងណាមិញ រូបគាត់ត្រូវបានបុគ្គលមួយក្រុម ដែលតាំងខ្លួនជាអ្នកសារព័ត៌មានអនឡាញ ឡោមជុំជិត ប្រជែងគ្នារុលក្បាលមីក្រូហ្វូនទៅរកមាត់របស់គាត់ និងតាមសួរគាត់ឱ្យនិយាយ នៅពេលដែលគាត់យំសឹងតែបាត់ស្មារតីទៅហើយ។

កោតតែបុគ្គលទាំងនោះធ្វើទៅរួច? បេះដូងរបស់ពួកគេនៅឯណា?

ករណីនេះមិនមែនជារឿងក្តីក្តាំ ប្តឹងផ្តល់ ដែលអ្នកសារព័ត៌មានត្រូវតែរួសរាន់ដេញតាមយកប្រតិកម្មពីភាគីពាក់ព័ន្ធឱ្យបានភ្លាមៗឯណា។ នៅទីនេះ ស្ត្រីមានផ្ទៃពោះម្នាក់កំពុងកើតទុក្ខធំ ព្រោះគាត់ទើបនឹងបាត់បង់ប្តីជាទីស្រឡាញ់ និងជាបង្គោលសេដ្ឋកិច្ចរបស់គ្រួសារ។ ដូច្នេះ វាគ្មានភាពចាំបាច់ទាល់តែសោះក្នុងការចោមរោមសុំឱ្យគាត់ពិពណ៌នាអារម្មណ៍បន្ថែមទៀត នៅក្នុងខណៈដ៏រន្ធត់ និងសោកសង្រែង បែបនេះ។

អ្វីដែលបុគ្គលតាំងខ្លួនជាសារព័ត៌មានទាំងនោះគួរធ្វើនៅក្នុងខណៈនោះ គឺ យ៉ាងហោចណាស់ សម្រួលឥរិយាបថ សម្តែងភាពថ្លៃថ្នូរ ការយល់ចិត្ត ការអាណិតអាសូរ និងមនុស្សធម៌ ចំពោះស្ត្រីដែលកំពុងកើតទុក្ខ។ ប៉ុន្តែ គួរឱ្យសោកស្តាយ ពួកគេគិតតែប្រឹងប្រជែងគ្នារុលមេក្រូហ្វូនទៅរកមាត់របស់ស្ត្រីនោះដែលកំពុងយំ។ ចំពីមុខ កាមេរ៉ាថតយករូបក្នុងសភាពទួញសោកគ្រប់វិនាទី ដោយគ្មានក្រែងរអែងអ្វីទាំងអស់ ហើយយកមកផ្សាយឱ្យពិភពលោកបានឃើញ។

អាកប្បកិរិយាថ្លៃថ្នូរ ការយល់ចិត្ត ការអាណិតអាសូរ និងមនុស្សធម៌ គឺជាផ្នែកនៃគោលការណ៍ក្រមសីលធម៌នៅក្នុងវិជ្ជាជីវៈសារព័ត៌មាន។ ទង្វើរបស់បុគ្គលតាំងខ្លួនជាអ្នកសារព័ត៌មាននៅក្នុងវីដេអូនេះមិនខុសពីការទន្ទ្រានទៅលើឯកជនភាព និងជាការជាន់ឈ្លីលើកិត្តិយសរបស់មនុស្សម្នាក់ឡើយ។ ទង្វើនេះប្រាសចាកទាំងស្រុងពីគោលការណ៍ក្រមសីលធម៌ ដែលជាមូលដ្ឋានចាំបាច់សម្រាប់កសាងភាពទុកចិត្តបាន និងកេរ្តិ៍ឈ្មោះរបស់សហគមន៍សារព័ត៌មាននៅកម្ពុជា។

ករណីនេះមិនមែនជាលើកដំបូង ហើយក៏ប្រហែលមិនមែនលើកចុងក្រោយដែរ។ ផ្ទុយទៅវិញ វាកាន់តែក្រើនរំឭក ឱ្យមានការគិតគូរហ្មត់ចត់ឡើងវិញ ពីភាពចាំបាច់ត្រូវពង្រឹងក្រមសីលធម៌របស់តួអង្គប្រតិបត្តិករមួយចំនួននៅលើទីលានប្រព័ន្ធផ្សព្វផ្សាយនៅកម្ពុជា។ ល្មមដល់ពេលស្ថាប័នដែលមានអាជ្ញាផ្លូវច្បាប់ ប្រមូលក្រុមអ្នកសារព័ត៌មានប្រតិបត្តិតាមមធ្យោបាយផ្សព្វផ្សាយសង្គម មកទទួលការបណ្តុះបណ្តាលជាមូលដ្ឋាន អំពីក្រមសីលធម៌នៃវិជ្ជាជីវៈសារព័ត៌មាន ហើយ។

និយាយបែបនេះមិនមែនជាការអំពាវនាវឱ្យបង្កើនការរឹតត្បិតសេរីភាពសារព័ត៌មានទេ។ សេរីភាពសារព័ត៌មានពេញលេញត្រូវមានការថែទាំ លើកទឹកចិត្ត និងជ្រោមជ្រែងឱ្យកាន់តែរឹងមាំឡើង អមជាមួយនឹងការទទួលខុសត្រូវ និងការប្រត្តិបត្តិតាមស្តង់ដាក្រមសីលធម៌ ពីសំណាក់គ្រប់តួអង្គផងដែរ។ គេត្រូវដឹងថា ទុក្ខសោករបស់មនុស្សម្នាក់ ដូចក្នុងករណីនេះ ជារឿងឯកជន ហើយមិនត្រូវយកមកធ្វើជាកម្មវត្ថុសម្រាប់ទាក់ទាញយក likes, followers និងរកលុយឡើយ។

បើគ្រាន់តែមានស្មាតហ្វូន កាមេរ៉ា មីក្រូហ្វូន និងបណ្ណព័ត៌មានពាក់លើ ក មិនទាន់គ្រប់លក្ខណៈជាអ្នកសារព័ត៌មានទេ។ ការប្រកាន់ឥរិយាបថ្លៃថ្នូរ សមរម្យ មានសីលធម៌ និងមានស្មារតីមនុស្សធម៌ ស្ថិតក្នុងចំណោមធាតុផ្សំនានា ដែលនាំទៅរកអ្វីដែលគេហៅថាភាពជាអាជីព (professionalism) ក្នុងមុខរបរជាអ្នកសារព័ត៌មាន៕