រដ្ឋបាលខណ្ឌប្ញស្សីកែវ ៖នាយប់ថ្ងៃទី១៤ ខែកញ្ញា ឆ្នាំ២០២៦នេះ យោងតាមផែនការល្បាតរបស់គណៈបញ្ជាការឯកភាពសង្កាត់ទួលសង្កែទី១ ដើម្បីថែរក្សាសន្តិសុខ សណ្តាប់ធ្នាប់ និងសុវត្ថិភាពជូនបងប្អូនប្រជាពលរដ្ឋក្នុងមូលដ្ឋាន ។
លោកអនុសេនីយ៍ទោ ហេង ឡៃហ៊ាន់ នាយប៉ុស្តិ៍នគរបាលរដ្ឋបាលទួលសង្កែទី១ និងលោក ប៉ែន ស៊ីមាន ប្រធានក្រុមល្បាតវេនទី២ នៃគណៈបញ្ជាការឯកភាពសង្កាត់ទួលសង្កែទី១
+ បានដឹកនាំមន្ត្រីនគរបាលប៉ុស្តិ៍ មន្ត្រីសង្កាត់ និងក្រុមប្រជាការពារសង្កាត់-ភូមិ បានចុះល្បាតតាមច្រកផ្លូវតូចៗ និងផ្លូវធំៗ ក្នុងភូមិទាំង៦ សង្កាត់ទួលសង្កែទី១
_ ចុះពិនិត្យទីតាំងបន្ទប់ជួលដែលស្មុគស្មាញ ក្នុងក្រុមទី៣ ភូមិផ្សារតូច ។
_ បានណែនាំដល់អ្នកប្រើប្រាស់០១គ្រឿង គ្មានស្លាកលេខ តាមការផ្តល់ព័ត៌មានមកវិញ ស្លាកលេខជ្រុះបាត់ ដូច្នេះត្រូវដាក់បណ្តឹង និងស្នើសុំការិយាល័យជំនាញ ដាក់ស្លាកលេខបានត្រឹមត្រូវ ។
_ បានណែនាំដល់អ្នករើសអេតចាយ មិនត្រូវកាយសំរាមធ្វើឱ្យខូចសណ្តាប់ធ្នាប់ និងមិនត្រូវប៉ះពាល់សម្ភារៈបងប្អូនប្រជាពលរដ្ឋឡើយ ដោយឱ្យទៅទីតាំងស្នាក់នៅវិញ ។
* បញ្ហាសន្តិសុខក្នុងមូលដ្ឋាន មិនមានអ្វីកើតឡើងគួរកត់សំគាល់នោះទេ ។
* កម្លាំងរបស់នគរបាលប៉ុស្តិ៍ បានបន្តពួន ឆ្មក់ និងល្បាត រហូតដល់ម៉ោង ៤ ទៀបភ្លឺ៕
