រដ្ឋបាលខណ្ឌប្ញស្សីកែវ ៖ នាថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ៩ ខែ កញ្ញា ឆ្នាំ២០២៦
ក្រុមការងារនៃគណ:បញ្ជាការឯកភាពខណ្ឌ និងសង្កាត់គីឡូម៉ែត្រលេខ៦ ដឹកនាំដោយ លោក ប៊ុត បូវណ្ណារ័ត្ន អភិបាលរង និងជាប្រធានក្រុមចុះសង្កាត់គីឡូម៉ែត្រលេខ៦ បានចាត់លោក ឡេង ចាន់វិសិដ្ឋ អនុប្រធានក្រុមកាងារ និងមានការចូលរួមពី លោក ម៉ៅ វណ្ណា ចៅសង្កាត់គីឡូម៉ែត្រលេខ៦, លោក ញាណ ពុទ្ធា នាយប៉ុស្តិ៍រដ្ឋបាលសង្កាត់គីឡូម៉ែត្រលេខ៦, មន្ត្រីតំណាងកងរាជអាវុធហត្ថខណ្ឌ, មន្ត្រីរដ្ឋបាលខណ្ឌ, លោក មេភូមិ និងប្រជាការពារសង្កាត់បានចុះធ្វើរដ្ឋបាលបង្ការទប់ស្កាត់ រាល់ បទល្មើស ផ្សេងៗដែលអាចកើតឡើងនិងអនុវត្តផែនការគ្រប់គ្រងសុវត្ថិភាព នៅទីតាំង ប្រមូលផ្ដុំ ដោយបានធ្វើការផ្សព្វផ្សាយព្រះរាជក្រម នស/រកម/០៤២៦/០០៦ ប្រកាសអោយប្រើច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា និង អនុក្រឹត្យលេខ ០៣ អនក្រ.បក និងការងារសន្តិសុខ មូលដ្ឋាន នៅទីតាំង បន្ទប់ជួលចំនួន ១១ទីតាំង ដែលមានបន្ទប់ជួលសរុបចំនួន ១០៥បន្ទប់ ក្នុងនោះបន្ទប់មានអ្នកស្នាក់នៅចំនួន ៧៨បន្ទប់ អ្នកស្នាក់នៅសរុបចំនួន ១៦០នាក់ ស្រីចំនួន ៦៦នាក់ កូនក្មេង ៨នាក់ ស្ថិតនៅក្រុមទី៨ ក្រុមទី៩ និងក្រុមទី១០ ក្នុងភូមិស្ពានខ្ពស់ សង្កាត់គីឡូម៉ែត្រលេខ៦៕
