រដ្ឋបាលខណ្ឌប្ញស្សីកែវ៖នាពេលព្រឹក ថ្ងៃព្រហស្បតិ៍ទី១០ ខែកញ្ញា ឆ្នាំ២០២៦នេះ
លោកស្រី រាជ ផាវឿនចៅសង្កាត់និងជាប្រធានគណៈបញ្ជាការឯកភាពសង្កាត់ទួលសង្កែទី១ បានចាត់ឱ្យលោក ប៉ែន ស៊ីមាន អនុប្រធានប្រចាំការក្រុមការងាររៀបចំសណ្តាប់ធ្នាប់ក្នុងមូលដ្ឋានសង្កាត់ទួលសង្កែទី១ ដឹកនាំ មន្ត្រីសង្កាត់ មេភូមិទាំង ៦ភូមិ ក្រុមសណ្តាប់ធ្នាប់សង្កាត់ រួមទាំងកម្លាំងប្រជាការពារភូមិ ។
+ក្រុមការងារសណ្ដាប់ធ្នាប់សង្កាត់ បានចុះ ធ្វើសណ្ដាប់ធ្នាប់ អនាម័យ និងសម្របសម្រួល ណែនាំដល់បងប្អូនជាពលរដ្ឋ ដែលបានដាក់កម្ទេចថ្ម មកលើផ្លូវសាធារណ: ស្ថិតនៅលើដងផ្លូវ២៧៣ ភូមិទួលសំពៅ ឱ្យគាត់ជួយចូក ចូលក្នុងឲ្យផុតពីចំណីផ្លូវ ឬដឹកចេញឲ្យអស់ ដើម្បីកុំឲ្យមានការ កក់ស្ទះចរាចរណ៍ ឬអាចបង្កឲ្យមានគ្រោះថ្នាក់ដល់បងប្អូនជាពលរដ្ឋដែលធ្វើដំណើរនៅលើផ្លូវនេះដោយយកថាហេតុ។
+កម្លាំងសណ្ដាប់ធ្នាប់សង្កាត់ បានបន្តចុះធ្វើការ រៀបចំសណ្តាប់ធ្នាប់ និងអនាម័យ នៅលើដងផ្លួវជាតិលេខ ៥ ,ផ្លូវ៩០០, ផ្លូវ៩៣, ផ្លូវ៦៨ នៅមុខសាលារៀនពញាក្រែក និងមុខអគ្គិសនីកម្ពុជា កម្លាំងសណ្ដាប់ធ្នាប់ឈរជើងនៅទីនោះ ភូមិចុងខ្សាច់+ភូមិផ្សារតូច ។
+ កម្លាំងបន្តចុះសម្រួលចរាចរណ៍ នៅលើដងផ្លូវ បេតុងថ្មី(អតីតផ្លូវរថភ្លើង) ,ផ្លូវ ៦២R ព្រមទាំងកម្លាំងឈរជើងនៅទីនោះ មុខវត្តទួលសង្កែ និងមុខផ្សារសាមហាន់ ភូមិទួលសង្កែ។
+ កម្លាំងសណ្ដាប់ធ្នាប់សង្កាត់ បន្តរៀបចំសណ្ដាប់ធ្នាប់ និងអនាម័យ ជម្រាបជូនដល់បងប្អូនប្រជាពលរដ្ឋដែលដាក់សម្ភារៈមកលើចំណីផ្លូវសាធារណៈ នៅលើផ្លូវ៧០ ភូមិចុងខ្សាច់ និង ភូមិបាក់ទូក សូមឱ្យគាត់ចូលរួមសហការជាមួយនឹងអាជ្ញាធរ ដើម្បីយកសម្ភារៈចូលក្នុងឱ្យផុតទុកចំណីផ្លូវជូនអ្នកដំណើរថ្មើជើង និងបង្កឲ្យមានភាពងាយស្រួលសម្រាប់ការធ្វើចរាចរណ៍។
