នាយឧត្តមសេនីយ៍ ស ថេត ជួបសំណេះសំណាលសួរសុខទុក្ខ និងនាំយកសម្ភារៈបម្រើឱ្យកិច្ចការជំនាញ ប្រគល់ជូនស្នងការដ្ឋាននគរបាលខេត្តមណ្ឌលគិរី

(មណ្ឌលគិរី)៖ បន្ទាប់ពីចូលរួមពិធីប្រកាសចូលកាន់មុខតំណែង អភិបាលខេត្តមណ្ឌលគិរី និងស្នងការនៃស្នងការដ្ឋាននគរបាលខេត្តមណ្ឌលគិរី រួចមកនៅរសៀលថ្ងៃទិ២៨ ខែឧសភា ឆ្នាំ២០២៦នេះ នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញបន្តជួបសំណេះសំណាលសួរសុខទុក្ខ និងនាំយកសម្ភារៈបម្រើឱ្យកិច្ចការជំនាញប្រគល់ ជូនស្នងការដ្ឋាននគរបាលខេត្តមណ្ឌលគិរី នៅស្នងការដ្ឋាននគរបាលខេត្តមណ្ឌលគិរី។

ក្នុងឱកាសនោះ នាយឧត្តមសេនីយ៍ ស ថេត អគ្គស្នងការនគរបាលជាតិ បានពាំនាំនូវប្រសាសន៍ផ្តាំផ្ញើសួរសុខទុក្ខពីអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ជូនដល់កងកម្លាំងនគរបាលទាំងអស់ក្នុងទូទាំងខេត្តមណ្ឌលគិរី និងបានណែនាំដល់ស្នងការនគរបាលខេត្តមណ្ឌលគិរីថ្មី លោកវរសេនីយ៍ឯក ជា ចិត្រា ត្រូវពង្រឹងការអនុវត្ត គោលនយោបាយភូមិឃុំសង្កាត់មានសុវត្ថិភាព និងបង្ការ ទប់ស្កាត់ បង្រ្កាបបទល្មើសគ្រប់ប្រភេទ ជាពិសេសបទល្មើសឆបោកតាមប្រព័ន្ធបច្ចេកវិទ្យា (Online Scams)។

សម្ភារៈអំណោយប្រគល់ជូនស្នងការដ្ឋាននគរបាលខេត្តមណ្ឌលគិរី រួមមាន៖

១៖ អាវក្រោះការពារគ្រាប់ ចំនួន ៣៥អាវ

២៖ អាវកាក់អន្តរាគមន៍ ចំនួន ៥០អាវ

៣៖ អាវចំណាំងផ្លាត ចំនួន ១០០អាវ

៤៖ អាវភ្លៀង ចំនួន ១០០អាវ

៥៖ ដំបងអគ្គិសនី (ឆក់) ចំនួន ១០០ដើម

៦៖ ដំបងចរាចរណ៍ ចំនួន ៥០ដើម

៧៖ សាកាដូ ចំនួន ១០០សាកាដូ

៨៖ សាំងទៀរុង និងពីដុងទឹក ចំនួន១០០ខ្សែ

៩៖ អង្រឹង ចំនួន ១០០

១០៖ ពិល ចំនួន ១០០គ្រឿង

១១៖ ខ្នោះដៃ ចំនួន ១០០គូ

១២៖ តង់ជំរក (៣ម៉ែត្រ គុណ ៦ម៉ែត្រ) ចំនួន ១០តង់ និងថវិកាមួយចំនួន ជាអំណោយដ៏ថ្លៃថ្លារបស់នាយឧត្តមសេនីយ៍ ស ថេត អគ្គស្នងការនគរបាលជាតិ៕