ឧត្តមសេនីយ៍ឯក ជួន ណារិន្ទ និងភរិយា បន្ដឧបត្ថម្ភអង្ករ ទឹកសុទ្ធ និងសម្ភារប្រើប្រាស់ ជូនដល់ជូនភៀសសឹកមករស់នៅខេត្តសៀមរាប

(ភ្នំពេញ)៖ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកស្រី លីម ដារ៉ែន ព្រមទាំងក្រុមការងារនៃស្នងការដ្ឋាននគរបាលរាជធានីភ្នំពេញ បានបន្ដឧបត្ថម្ភអង្ករ ទឹកសុទ្ធ និងសម្ភារប្រើប្រាស់ជាច្រើនមុខទៀត ដើម្បីប្រគល់ជូនរដ្ឋបាលខេត្តសៀមរាប សម្រាប់ចែកជូនដល់ជនភៀសសឹកមករស់នៅក្នុងភូមិសាស្ដ្រខេត្តសៀមរាប ឲ្យបានមុនពិធីបុណ្យចូលឆ្នាំថ្មីប្រពៃណីជាតិខ្មែរ។

សូមជម្រាបថា ជានិច្ចកាលលោកឧត្តមសេនីយ៍ឯក ជួន ណារិន្ទ និងលោកស្រី លីម ដារ៉ែន ជួនណារិន្ទ តែងតែឧបត្ថម្ភទាំងគ្រឿងឧបភោគ បរិភោគ និងថវិកាជាបន្ដបន្ទាប់ ដើម្បីគាំទ្រដល់កម្លាំងជួរមុខដែលកំពុងប្រកៀកស្នាគ្នាយ៉ាងរឹងមាំ ការពារបូរណភាពទឹក និងដែនអធិបតេយ្យជាតិ។ ក្រៅពីកម្លាំងជួរមុខ លោកឧត្តមសេនីយ៍ឯក ជួន ណារិន្ទ និងលោកស្រី លីម ដារ៉ែន ក៏តែងសួរសុខទុក្ខដោយផ្ទាល់កម្លាំងនគរបាល និងកងទ័ពដែលសម្រាកនៅតាមមន្ទីរពេទ្យផងដែរ៕