រដ្ឋមន្ដ្រីក្រសួងអប់រំ និងរដ្ឋមន្ដ្រីក្រសួងការងារ បើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន

(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានគណៈកម្មាធិការជាតិគាំពារ និងអភិវឌ្ឍន៍កុមារតូច និងលោក ហេង សួរ រដ្ឋមន្ដ្រីក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី១២ ខែមីនា ឆ្នាំ២០២៦នេះ បានអញ្ជើញក្នុងពិធីបើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន។

 

សិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាននេះ ក៏មានការអញ្ជើញចូលរួមពីលោកស្រី Tania Meyer ប្រធានគ្រប់គ្រងធនាគារពិភពលោកប្រចាំកម្ពុជា ព្រមទាំងលោក លោកស្រី រដ្ឋលេខាធិការ អនុរដ្ឋលេខាធិការ ថ្នាក់ដឹកនាំ តំណាងក្រសួង ស្ថាប័ន តំណាងដៃគូអភិវឌ្ឍន៍ អង្គការពាក់ព័ន្ធ និងភ្ញៀវកិត្ដិយសជាតិ អន្ដរជាតិ ជាច្រើនរូបទៀត។

 

លោកបណ្ឌិតសភាចារ្យ ហង់ជួន ណារ៉ុន បានឲ្យដឹងថា អនុក្រឹត្យស្តីពីការគ្រប់គ្រងទារកដ្ឋាន ជាសមិទ្ធផលថ្មីមួយទៀត ក្រោមការខិតខំប្រឹងប្រែងរួមគ្នា ប្រកបដោយការយកចិត្តទុកដាក់ ឆន្ទៈ សាមគ្គីភាព និងការទទួលខុសត្រូវខ្ពស់ ដែលឆ្លុះបញ្ចាំងការប្រែក្លាយអនុសាសន៍ របស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឱ្យក្លាយជាការអនុវត្តជាក់ស្តែង ដើម្បីជាប្រយោជន៍ផ្ទាល់ដល់កុមារតូច ដែលនឹងក្លាយខ្លួនជាអ្នកបន្តវេនដ៏មានសក្តានុពលរបស់ប្រទេសជាតិយើង។

 

បើតាមឧបនាយករដ្ឋមន្ត្រី ហង់ជួន ណារ៉ុន, រាជរដ្ឋាភិបាលកម្ពុជា ដែលមានសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមគ្គុទេសដឹកនាំ បានឯកភាពដាក់ចេញអនុក្រឹត្យ ស្តីពីការគ្រប់គ្រងទារកដ្ឋាន ដែលមានវិសាលភាពអនុវត្ត ចំពោះទារកដ្ឋានសហគមន៍ ទារកដ្ឋានសហគ្រាស និងទារកដ្ឋានឯកជន ក្នុងព្រះរាជាណាចក្រកម្ពុជា។

 

ការផ្តល់សេវាទារកដ្ឋាន ក្នុងយុគសម័យទំនើបនេះ មិនមែនគ្រាន់តែជាការមើល ថែទាំកុមារតូចធម្មតាប៉ុណ្ណោះទេ បូន្តែវាជាប្រព័ន្ធផ្តល់សេវាអប់រំក្នុងដំណាក់កាលដំបូងនៃជីវិត ដែលរួម បញ្ចូលនូវបំណិនគ្រប់ជ្រុង ជ្រោយតាមរយៈសកម្មភាព៖

* ការរៀនតាមរយៈការលេង ដែលផ្តល់ឱកាសកុមារបានរៀនសូត្រទាន់ពេលវេលា

* ការអប់រំសង្គម និងអារម្មណ៍ (SEL)

* ការថែទាំប្រកបដោយការឆ្លើយតប (Responsive Caregiving)

* ផ្តល់សេវាដោយយកចិត្តទុកដាក់សុវត្ថិភាពនិងសន្តិសុខដល់កុមារ

* យកចិត្តទុកដាក់ខ្ពស់លើផ្នែកសុខភាព អាហារូបត្ថម្ភ និងអនាម័យ។

 

លោកបណ្ឌិតសភាចារ្យ ហង់ជួន ណារ៉ុន បានលើកឡើងថា តាមការអង្កេតប្រជាសាស្ត្រ និងសុខភាពកម្ពុជា (CDHS) ឆ្នាំ២០២១-២០២២ បានបង្ហាញថា ស្ថានភាពអាហារូបត្ថម្ភ របស់កុមារអាយុក្រោម៥ឆ្នាំ មានបម្រែបម្រួលអត្រាប្រេវ៉ាឡង់ នៃភាពក្រិនកេះ បានថយចុះពី៥០% ក្នុងឆ្នាំ២០០០ មកនៅត្រឹម២២% ក្នុងឆ្នាំ២០២១ ២០២២។ អត្រាមរណភាពរបស់ទារកទើបកើត បានថយចុះពី៣៧នាក់ នៅឆ្នាំ២០០០ មកនៅត្រឹម៨នាក់ ក្នុង១០០០កំណើត រស់នៅឆ្នាំ២០២១។

 

បន្ថែមពីនោះទៀត លោកបណ្ឌិតសភាចារ្យ បានបន្ដថា អត្រាមរណភាពរបស់កុមារ អាយុក្រោម៥ឆ្នាំ បានថយចុះពី១២៤នាក់ នៅឆ្នាំ២០០០ មកនៅត្រឹម១៦នាក់ ក្នុង១០០០កំណើតរស់នៅឆ្នាំ២០២១ និងអត្រាមរណភាពទារក បានថយចុះពី៩៥នាក់ នៅឆ្នាំ២០០០ មកនៅត្រឹម១២នាក់ ក្នុង១០០០កំណើតរស់នៅឆ្នាំ២០២១។ រីឯស្ថានភាពស្គមស្គាំង និងលើសទម្ងន់របស់កុមារមានការប្រែប្រួលបន្តិចបន្តួចប៉ុណ្ណោះ ចាប់តាំងពីឆ្នាំ២០០៥មក។

 

លោក ហេង សួរ បានឲ្យដឹងថា ការផ្សព្វផ្សាយខ្លឹមសារអនុក្រឹត្យ ស្តីពីការគ្រប់គ្រងទារកដ្ឋាន ដល់ភាគីពាក់ព័ន្ធទាំងអស់ ដើម្បីបង្កើនការយល់ដឹងកាន់តែច្បាស់អំពីខ្លឹមសារ គោលបំណង និងយន្តការអនុវត្ត នៃអនុក្រឹត្យនេះ ប្រកបដោយប្រសិទ្ធភាព និងពិតជាមានសារៈសំខាន់យ៉ាងខ្លាំង សម្រាប់ក្រសួង ស្ថាប័នជាតិ និងថ្នាក់ក្រោមជាតិ និយោជក អ្នករៀបចំដំណើរការទារកដ្ឋាន ព្រមទាំងដៃគូអភិវឌ្ឍន៍ និងអង្គការ សង្គមស៊ីវិលផងដែរ។

 

ជាមួយគ្នានេះ លោក ហេង សួរ ក៏បានលើកឡើងផងដែរថា បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បាននិងកំពុងផ្តល់ថវិកាឧបត្ថម្ភរបស់រាជរដ្ឋាភិបាល សម្រាប់កម្មការិនីមានផ្ទៃពោះ ដែលជាសមាជិក ប.ស.ស. ជាបីដំណាក់កាល៖

 

* ដំណាក់កាលទី១៖ ផ្តល់ការឧបត្ថម្ភចំនួន ៨ម៉ឺនរៀល ក្នុង ១លើក សម្រាប់ការមកទទួល សេវាពិនិត្យផ្ទៃពោះ ដែលផ្តល់ជាអតិបរមាចំនួន ៤លើក មុនពេលសម្រាលកូន

* ដំណាក់កាលទី២៖ ផ្តល់ការឧបត្ថម្ភនៅពេលសម្រាលកូន ដែលកូនមួយ ទទួលបាន ៨០ម៉ឺនរៀល, កូនភ្លោះពីរ ទទួលបាន ១លាន២សែនរៀល និងកូនភ្លោះបី ទទួលបាន ១លាន៦សែនរៀល និងទទួលបានប្រាក់ឧបត្ថម្ភបន្ថែមចំនួន ៥លានរៀល ពី សម្តេច តេជោ និងសម្តេចកិត្តិព្រឹទ្ធបណ្ឌិត ផ្ទាល់

* ដំណាក់កាលទី៣៖ ផ្តល់ការឧបត្ថម្ភចំនួន ៨ម៉ឺនរៀល ក្នុង ១លើក ដែលផ្តល់ជាអតិបរមា ចំនួន ១០លើក ក្នុងនោះ ៣លើក នៅពេលមកទទួលសេវាពិនិត្យសុខភាពក្រោយពេល សម្រាលកូន និង ៧លើក នៅពេលយកកូនមកទទួលថ្នាំបង្ការរហូតដល់អាយុ ២ឆ្នាំ។

 

លោក ហេង សួរ សង្ឃឹមយ៉ាងមុតមាំថា គ្រប់ភាគីពាក់ព័ន្ធនឹងបង្កើនការគាំទ្រ បង្កើនការវិនិយោគការបង្កើត ទារកដ្ឋាននៅតាមសហគមន៍ ទារកដ្ឋានសហគ្រាស និងលើកទឹកចិត្ត ការបង្កើតទារកដ្ឋានឯកជន ដើម្បីធានាថា ការអនុវត្តអនុក្រឹត្យនេះ អាចប្រព្រឹត្តទៅដោយប្រសិទ្ធភាព ទទួលបានលទ្ធផលល្អ ប្រសើរ និងអាចពង្រីកសេវាថែទាំ និងឱកាសរៀនសូត្រ សម្រាប់វ័យដំបូងដល់ទារក និងកុមារតូច ដោយឈរលើគោលការណ៍សមធម៌ និងបរិយាបន្ន។

 

សូមជម្រាបថា អនុក្រឹត្យស្តីពីការគ្រប់គ្រងទារកដ្ឋាន កំណត់អំពីការគ្រប់គ្រង និងលក្ខណវិនិច្ឆ័យ នៃការបង្កើតទារកដ្ឋាន សម្រាប់មើលថែទាំទារក និងកុមារតូច ក្នុងគោលបំណង ដើម្បីផ្តល់ឱកាសដល់ការលូតលាស់ និងការអភិវឌ្ឍគ្រប់ជ្រុងជ្រោយ ឆ្លើយតបទៅនឹងតម្រូវការ ក្នុងការអភិវឌ្ឍមូលធនមនុស្ស កាត់បន្ថយបន្ទុក និងផ្តល់ពេលវេលាដល់មាតាបិតា ឬអ្នកអាណាព្យាបាល មានឱកាសធ្វើការងាររកប្រាក់ចំណូល និងប្រកបការងារផ្សេងៗ៕

រដ្ឋមន្ដ្រីក្រសួងអប់រំ និងរដ្ឋមន្ដ្រីក្រសួងការងារ បើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន

(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានគណៈកម្មាធិការជាតិគាំពារ និងអភិវឌ្ឍន៍កុមារតូច និងលោក ហេង សួរ រដ្ឋមន្ដ្រីក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី១២ ខែមីនា ឆ្នាំ២០២៦នេះ បានអញ្ជើញក្នុងពិធីបើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន។

សិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាននេះ ក៏មានការអញ្ជើញចូលរួមពីលោកស្រី Tania Meyer ប្រធានគ្រប់គ្រងធនាគារពិភពលោកប្រចាំកម្ពុជា ព្រមទាំងលោក លោកស្រី រដ្ឋលេខាធិការ អនុរដ្ឋលេខាធិការ ថ្នាក់ដឹកនាំ តំណាងក្រសួង ស្ថាប័ន តំណាងដៃគូអភិវឌ្ឍន៍ អង្គការពាក់ព័ន្ធ និងភ្ញៀវកិត្ដិយសជាតិ អន្ដរជាតិ ជាច្រើនរូបទៀត។

លោកបណ្ឌិតសភាចារ្យ ហង់ជួន ណារ៉ុន បានឲ្យដឹងថា អនុក្រឹត្យស្តីពីការគ្រប់គ្រងទារកដ្ឋាន ជាសមិទ្ធផលថ្មីមួយទៀត ក្រោមការខិតខំប្រឹងប្រែងរួមគ្នា ប្រកបដោយការយកចិត្តទុកដាក់ ឆន្ទៈ សាមគ្គីភាព និងការទទួលខុសត្រូវខ្ពស់ ដែលឆ្លុះបញ្ចាំងការប្រែក្លាយអនុសាសន៍ របស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឱ្យក្លាយជាការអនុវត្តជាក់ស្តែង ដើម្បីជាប្រយោជន៍ផ្ទាល់ដល់កុមារតូច ដែលនឹងក្លាយខ្លួនជាអ្នកបន្តវេនដ៏មានសក្តានុពលរបស់ប្រទេសជាតិយើង។

បើតាមឧបនាយករដ្ឋមន្ត្រី ហង់ជួន ណារ៉ុន, រាជរដ្ឋាភិបាលកម្ពុជា ដែលមានសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមគ្គុទេសដឹកនាំ បានឯកភាពដាក់ចេញអនុក្រឹត្យ ស្តីពីការគ្រប់គ្រងទារកដ្ឋាន ដែលមានវិសាលភាពអនុវត្ត ចំពោះទារកដ្ឋានសហគមន៍ ទារកដ្ឋានសហគ្រាស និងទារកដ្ឋានឯកជន ក្នុងព្រះរាជាណាចក្រកម្ពុជា។

ការផ្តល់សេវាទារកដ្ឋាន ក្នុងយុគសម័យទំនើបនេះ មិនមែនគ្រាន់តែជាការមើល ថែទាំកុមារតូចធម្មតាប៉ុណ្ណោះទេ បូន្តែវាជាប្រព័ន្ធផ្តល់សេវាអប់រំក្នុងដំណាក់កាលដំបូងនៃជីវិត ដែលរួម បញ្ចូលនូវបំណិនគ្រប់ជ្រុង ជ្រោយតាមរយៈសកម្មភាព៖
* ការរៀនតាមរយៈការលេង ដែលផ្តល់ឱកាសកុមារបានរៀនសូត្រទាន់ពេលវេលា
* ការអប់រំសង្គម និងអារម្មណ៍ (SEL)
* ការថែទាំប្រកបដោយការឆ្លើយតប (Responsive Caregiving)
* ផ្តល់សេវាដោយយកចិត្តទុកដាក់សុវត្ថិភាពនិងសន្តិសុខដល់កុមារ
* យកចិត្តទុកដាក់ខ្ពស់លើផ្នែកសុខភាព អាហារូបត្ថម្ភ និងអនាម័យ។

លោកបណ្ឌិតសភាចារ្យ ហង់ជួន ណារ៉ុន បានលើកឡើងថា តាមការអង្កេតប្រជាសាស្ត្រ និងសុខភាពកម្ពុជា (CDHS) ឆ្នាំ២០២១-២០២២ បានបង្ហាញថា ស្ថានភាពអាហារូបត្ថម្ភ របស់កុមារអាយុក្រោម៥ឆ្នាំ មានបម្រែបម្រួលអត្រាប្រេវ៉ាឡង់ នៃភាពក្រិនកេះ បានថយចុះពី៥០% ក្នុងឆ្នាំ២០០០ មកនៅត្រឹម២២% ក្នុងឆ្នាំ២០២១ ២០២២។ អត្រាមរណភាពរបស់ទារកទើបកើត បានថយចុះពី៣៧នាក់ នៅឆ្នាំ២០០០ មកនៅត្រឹម៨នាក់ ក្នុង១០០០កំណើត រស់នៅឆ្នាំ២០២១។

បន្ថែមពីនោះទៀត លោកបណ្ឌិតសភាចារ្យ បានបន្ដថា អត្រាមរណភាពរបស់កុមារ អាយុក្រោម៥ឆ្នាំ បានថយចុះពី១២៤នាក់ នៅឆ្នាំ២០០០ មកនៅត្រឹម១៦នាក់ ក្នុង១០០០កំណើតរស់នៅឆ្នាំ២០២១ និងអត្រាមរណភាពទារក បានថយចុះពី៩៥នាក់ នៅឆ្នាំ២០០០ មកនៅត្រឹម១២នាក់ ក្នុង១០០០កំណើតរស់នៅឆ្នាំ២០២១។ រីឯស្ថានភាពស្គមស្គាំង និងលើសទម្ងន់របស់កុមារមានការប្រែប្រួលបន្តិចបន្តួចប៉ុណ្ណោះ ចាប់តាំងពីឆ្នាំ២០០៥មក។

លោក ហេង សួរ បានឲ្យដឹងថា ការផ្សព្វផ្សាយខ្លឹមសារអនុក្រឹត្យ ស្តីពីការគ្រប់គ្រងទារកដ្ឋាន ដល់ភាគីពាក់ព័ន្ធទាំងអស់ ដើម្បីបង្កើនការយល់ដឹងកាន់តែច្បាស់អំពីខ្លឹមសារ គោលបំណង និងយន្តការអនុវត្ត នៃអនុក្រឹត្យនេះ ប្រកបដោយប្រសិទ្ធភាព និងពិតជាមានសារៈសំខាន់យ៉ាងខ្លាំង សម្រាប់ក្រសួង ស្ថាប័នជាតិ និងថ្នាក់ក្រោមជាតិ និយោជក អ្នករៀបចំដំណើរការទារកដ្ឋាន ព្រមទាំងដៃគូអភិវឌ្ឍន៍ និងអង្គការ សង្គមស៊ីវិលផងដែរ។

ជាមួយគ្នានេះ លោក ហេង សួរ ក៏បានលើកឡើងផងដែរថា បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បាននិងកំពុងផ្តល់ថវិកាឧបត្ថម្ភរបស់រាជរដ្ឋាភិបាល សម្រាប់កម្មការិនីមានផ្ទៃពោះ ដែលជាសមាជិក ប.ស.ស. ជាបីដំណាក់កាល៖

* ដំណាក់កាលទី១៖ ផ្តល់ការឧបត្ថម្ភចំនួន ៨ម៉ឺនរៀល ក្នុង ១លើក សម្រាប់ការមកទទួល សេវាពិនិត្យផ្ទៃពោះ ដែលផ្តល់ជាអតិបរមាចំនួន ៤លើក មុនពេលសម្រាលកូន
* ដំណាក់កាលទី២៖ ផ្តល់ការឧបត្ថម្ភនៅពេលសម្រាលកូន ដែលកូនមួយ ទទួលបាន ៨០ម៉ឺនរៀល, កូនភ្លោះពីរ ទទួលបាន ១លាន២សែនរៀល និងកូនភ្លោះបី ទទួលបាន ១លាន៦សែនរៀល និងទទួលបានប្រាក់ឧបត្ថម្ភបន្ថែមចំនួន ៥លានរៀល ពី សម្តេច តេជោ និងសម្តេចកិត្តិព្រឹទ្ធបណ្ឌិត ផ្ទាល់
* ដំណាក់កាលទី៣៖ ផ្តល់ការឧបត្ថម្ភចំនួន ៨ម៉ឺនរៀល ក្នុង ១លើក ដែលផ្តល់ជាអតិបរមា ចំនួន ១០លើក ក្នុងនោះ ៣លើក នៅពេលមកទទួលសេវាពិនិត្យសុខភាពក្រោយពេល សម្រាលកូន និង ៧លើក នៅពេលយកកូនមកទទួលថ្នាំបង្ការរហូតដល់អាយុ ២ឆ្នាំ។

លោក ហេង សួរ សង្ឃឹមយ៉ាងមុតមាំថា គ្រប់ភាគីពាក់ព័ន្ធនឹងបង្កើនការគាំទ្រ បង្កើនការវិនិយោគការបង្កើត ទារកដ្ឋាននៅតាមសហគមន៍ ទារកដ្ឋានសហគ្រាស និងលើកទឹកចិត្ត ការបង្កើតទារកដ្ឋានឯកជន ដើម្បីធានាថា ការអនុវត្តអនុក្រឹត្យនេះ អាចប្រព្រឹត្តទៅដោយប្រសិទ្ធភាព ទទួលបានលទ្ធផលល្អ ប្រសើរ និងអាចពង្រីកសេវាថែទាំ និងឱកាសរៀនសូត្រ សម្រាប់វ័យដំបូងដល់ទារក និងកុមារតូច ដោយឈរលើគោលការណ៍សមធម៌ និងបរិយាបន្ន។

សូមជម្រាបថា អនុក្រឹត្យស្តីពីការគ្រប់គ្រងទារកដ្ឋាន កំណត់អំពីការគ្រប់គ្រង និងលក្ខណវិនិច្ឆ័យ នៃការបង្កើតទារកដ្ឋាន សម្រាប់មើលថែទាំទារក និងកុមារតូច ក្នុងគោលបំណង ដើម្បីផ្តល់ឱកាសដល់ការលូតលាស់ និងការអភិវឌ្ឍគ្រប់ជ្រុងជ្រោយ ឆ្លើយតបទៅនឹងតម្រូវការ ក្នុងការអភិវឌ្ឍមូលធនមនុស្ស កាត់បន្ថយបន្ទុក និងផ្តល់ពេលវេលាដល់មាតាបិតា ឬអ្នកអាណាព្យាបាល មានឱកាសធ្វើការងាររកប្រាក់ចំណូល និងប្រកបការងារផ្សេងៗ៕