សារលិខិតជូនពរ គោរពជូន លោក បណ្ឌិត សួន សុខឌឿន ប្រធានសមាគមអ្នកសារព័ត៌មាន អិន អឹម អ កម្ពុជា និងអន្តរជាតិ (N M R Journalists Association of Cambodia and International)

លោកបណ្ឌិត ជាទីគោរពដ៏ខ្ពង់ខ្ពស់ !

នៅក្នុងឱកាសដ៏មហានក្ខត្តឫក្ស និងប្រកបដោយកិត្តិយសដ៏ ឧត្តុង្គឧត្តមនេះ យើងខ្ញុំទាំងអស់គ្នាដែលជាសមាជិក សមាជិកា ព្រមទាំងថ្នាក់ដឹកនាំនៃអង្គភាព សហគ្រាស ក្រុមហ៊ុន និងសមាគមអ្នកសារព័ត៌មាន អិន អឹម អ កម្ពុជានិងអន្តរជាតិ សូមចូលរួមសម្តែងនូវសេចក្ដីសោមនស្សរីករាយ និងសូមជូននូវមនោសញ្ចេតនាគោរពកោតសរសើរ និងអបអរសាទរយ៉ាងស្មោះស្ម័គ្របំផុត ជូនចំពោះ លោក បណ្ឌិត សួន សុខឌឿន ក្នុងឱកាសដែល លោក បណ្ឌិត ទទួលបានការទុកចិត្តឱ្យកាន់តួនាទីជា ប្រធានសមាគមអ្នកសារព័ត៌មាន អិន អឹម អ កម្ពុជានិងអន្តរជាតិ (N M R Journalists Association of Cambodia and International)។

ការទទួលបាននូវតួនាទីដ៏ឧត្តុង្គឧត្តមនេះ គឺពិតជាស័ក្តិសមបំផុតទៅនឹងសមត្ថភាព ឆន្ទៈមោះមុត និងការខិតខំប្រឹងប្រែងឥតឈប់ឈររបស់ លោក បណ្ឌិត ក្នុងការចូលរួមចំណែកលើកស្ទួយវិស័យសារព័ត៌មាន និងការងារសង្គមធម៌នាពេលកន្លងមក។ យើងខ្ញុំមានជំនឿយ៉ាងមុតមាំថា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ លោកបណ្ឌិត សមាគមនឹងកាន់តែមានការរីកចម្រើន រឹងមាំ និងទទួលបានជោគជ័យថ្មីៗបន្ថែមទៀតជាបន្តបន្ទាប់ ដើម្បីជាឧត្តមប្រយោជន៍ដល់វិស័យព័ត៌មានក្នុងស្រុក និងលើឆាកអន្តរជាតិ។

ជាថ្មីម្ដងទៀត ក្នុងឱកាសដ៏វិសេសវិសាលនេះ យើងខ្ញុំសូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ បវរមហាប្រសើរ ជូនចំពោះ លោកបណ្ឌិត និងក្រុមគ្រួសារ សូមបានប្រកបដោយពុទ្ធពរទាំង ៤ ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូម លោក បណ្ឌិត សួន សុខឌឿន ទទួលនូវការគោរពរាប់អានដ៏ខ្ពង់ខ្ពស់ និងស្មោះស្ម័គ្របំផុតពីយើងខ្ញុំ 🙏🙏🙏។