ខេត្តកំពង់ស្ពឺ៖ តាមសេចក្តីរាយការណ៏ពីប្រជាពលរដ្ឋបានឱ្យដឹងថា មានសកម្មភាពដ៏គគ្លើនមួយបានកើតឡើងពីសំណាក់ម្ចាស់ដីដែលមានទីតាំងជាប់នឹងចំណីមាត់ស្ទឹងព្រែកត្នោត គឺស្ថិតនៅក្នុងភូមិអន្លង់ធម្ម ឃុំតាំងក្រូច ស្រុកសំរោងទង ពីបុគ្គលម្នាក់មានលុយ ឬមាន អំណាចម្នាក់ដែលមិនត្រូវបានដឹងពីអត្តសញ្ញាណនោះឡើយមកត្រឹមម៉ោងផ្សាយនេះ។
ហានខ្លាំងម្លេះលោកព្រះ ករណីចាក់ដីថ្មចូលក្នុងច្រាំងស្ទឹងនិងដំរៀបថ្ម ដើម្បីរំលោភយកច្រាំងស្ទឹងព្រែកត្នោត មានទីតាំងស្ថិតនៅក្នុងភូមិអន្លង់ធម្ម ឃុំតាំងក្រូច ស្រុកសំរោងទងពីបុគ្គលម្នាក់មានលុយ មានអំណាចមិនញញើតអាជ្ញាធរមានសមត្ថកិច្ចនោះឡើយ…
ខេត្តកំពង់ស្ពឺ៖ តាមសេចក្តីរាយការណ៏ពីប្រជាពលរដ្ឋបានឱ្យដឹងថា មានសកម្មភាពដ៏គគ្លើនមួយបានកើតឡើងពីសំណាក់ម្ចាស់ដីដែលមានទីតាំងជាប់នឹងចំណីមាត់ស្ទឹងព្រែកត្នោត គឺស្ថិតនៅក្នុងភូមិអន្លង់ធម្ម ឃុំតាំងក្រូច ស្រុកសំរោងទង ពីបុគ្គលម្នាក់មានលុយ ឬមាន
អំណាចម្នាក់ដែលមិនត្រូវបានដឹងពីអត្តសញ្ញាណនោះឡើយមកត្រឹមម៉ោងផ្សាយនេះ។
សហការីយើងបានជម្រាបសួរនិងស្តាប់ការបកស្រាយរបស់លោកមេភូមិ រហូតដល់លោកមេឃុំនិងក្រុមប្រឹក្សាឃុំតាំងក្រូច ពួកគាត់បានបញ្ជាក់ថា ក្រុមការងាររបស់ពួកគាត់បានចុះទៅពិនិត្យមើលនិងបញ្ជាក់ប្រាប់ក្រុមអ្នកសារព័ត៌មានដូចៗគ្នាថា កាលមុនទីតាំងដីនោះគឺជាដីដែលគ្រប់គ្រងដោយ លោក ប៊ិន សារ៉េត អតីតប្រធានមន្ទីរកសិកម្មខេត្តកំពង់ស្ពឺ តែឥលូវមកដល់ពេលនេះ ដីនេះត្រូវបានគ្រប់គ្រងដោយអ្នកមានលុយមានអំណាចម្នាក់នៅភ្នំពេញទៅវិញហើយ ហើយគេធ្វើអីក៏គេមិនដែលសុំការអនុញ្ញាតឬប្រាប់មកអាជ្ញាធរមូលដ្ឋានរបស់លោកឱ្យបានដឹងនោះឡើយ។
ជាក់ស្តែងនាថ្ងៃទី០៦ ខែឧសភា ឆ្នាំ២០២៦ នេះតាមរយៈក្រុមការងាររបស់ស្រុកសំរោងទងដឹងនាំដោយលោកអភិបាលរងស្រុកដែលមានសមាសភាពចូលរួមចំនួន១២នាក់(បញ្ជីវត្តមាន) ដើម្បីចុះពិនិត្យការចាក់ដីចូលស្ទឹងព្រែកត្នោត ស្ថិតនៅភូមិអន្លង់ធម្ម ឃុំតាំងក្រូច ស្រុកសំរោងទង ខេត្តកំពង់ស្ពឺ ។ ក្នុងលក្ខខណ្ឌសុំមិនបញ្ចេញអត្តសញ្ញាណអ្នកចូលរួមម្នាក់បានបង្ហើបប្រាប់មកអ្នកសារព័ត៌មានយើងឱ្យដឹងថា ក្រោយមន្ត្រីជំនាញភូមិបាល និងធនធានទឹកបានវាសវែងរួចមក គឺឃើញថាបុគ្គលម្ចាស់ដីនោះពិតជាបានចាក់ដីរំលោភចូលមាត់ស្ទឹងប្រហែលជា៥០ម(ហាសិប)ម៉ែត្រនោះមែន តែយ៉ាងណាក្រុមការងារនិងធ្វើកំណត់ហេតុឱ្យបានត្រឹមត្រូវដើម្បីហៅម្ចាស់ដីខាងលើនោះមកដោះស្រាយជាមួយអាជ្ញាធរនាពេលខាងមុខ។
តាមប្រជាពលរដ្ឋបានលើកជាចម្ងល់ថាប្រហែលជា ឲ្យតែមានលុយគឺមានអ្វីៗទាំងអស់ នោះហើយមើលទៅ ទោះបីបុគ្គលដែលមានលុយនោះដឹងដោយខ្លួនឯងថា ការរំលោភយកចំណីស្ទឹងគឺជាអំពើខុសច្បាប់ ឬឯកសារគតិយុត្តហើយក៏ដោយ ក៏ខ្លួននៅតែអាចធ្វើបាននោះដែរ។
ក្នុងករណីនេះដែរអង្គភាពសារព័ត៌មានយើងបានទាក់ទងទៅលោក ញ៉ាញ់ ជាបហ៊ង ប្រធានមន្ទីរធនធានទឹកនិងឧតុនិយមខេត្តកំពង់ស្ពឺ លោកបានឆ្លើយថា គេអ្នកមាន គេធ្វើអីគេមិនដែលប្រាប់សុំច្បាប់ទេហើយលោកបានបន្តទៀតថាខ្ញុំនិងចុះពិនិត្យមើលភាពជាក់ស្តែង បើអញ្ចឹងមែនខ្ញុំហ្នឹងចាត់វិធានការ។
មហាជនក៏សូមសំណូមពរ ដល់ឯកឧត្តមអភិបាលនៃគណៈអភិបាលខេត្តកំពង់ស្ពឺ មេត្តាជួយពិនិត្យមើលបុគ្គលដែលជាម្ចាស់ដីនេះផងទាន៕
