*ក្រសួងការពារជាតិកម្ពុជា ច្រានចោលព័ត៌មានមិនពិតដែលផ្សាយដោយភាគីថៃថា កម្ពុជាស្នើបើកច្រកដឹកទំនិញសង្គ្រោះបន្ទាន់, ការបើកច្រកជាការទទួលខុសត្រូវរបស់ថៃខ្លួនឯង*ធនាគារជាតិនៃកម្ពុជា ទាត់ចោលព័ត៌មានប្រឌិតថា ធនាគារមួយចំនួន នឹងត្រូវបានបង្កកសាច់ប្រាក់ ឬនឹងត្រូវបានបិទដោយធនាគារជាតិ*ដង្ហែក្បួននគរសង្ក្រាន្ត ឆ្នាំ២០២៦ នៅផ្លូវថ្មើរជើងចតុមុខ ថ្ងៃទី២ នៃពិធីបុណ្យចូលឆ្នាំថ្មី ទាក់ទាញទេសចរណ៍យ៉ាងច្រើនកុះករ*សម្តេចតេជោ ហ៊ុន សែន ផ្តាំអ្នកនៅបន្តគប់គិតគ្នានាំទំនិញពីថៃ ត្រូវបញ្ឈប់ជាបន្ទាន់, តើមិនខ្លាចបាបទេ ដែលទទួលបណ្តាសាពីប្រជាជន?*ខឹងម្តាយក្មេងប្រុសរងគ្រោះ ទម្លាយរឿងសម្ងាត់ផ្ទាល់ខ្លួនប្រាប់ប្រពន្ធ ជនដៃដល់លួងក្មេងប្រុសទៅកន្លែងស្ងាត់ រួចចាក់ និងអារកសម្លាប់, កម្លាំងនគរបាលតាមចាប់ និងបញ្ជូនទៅតុលាការ*លោក ហេង សួរ អញ្ជើញចូលរួមក្នុងពិធីក្រុងពលី និងទទួលទេវតាឆ្នាំថ្មី ក្នុងព្រឹត្តិការណ៍ «នគរសង្ក្រាន្ត» នៅរមណីយដ្ឋានប្រវត្តិសាស្ត្រវត្តភ្នំ*កម្លាំងអាវុធហត្ថរាជធានីភ្នំពេញ ចូលរួមការពារសន្តិសុខ សុវត្ថិភាព រក្សាសណ្ដាប់ធ្នាប់ នៅតាមបណ្ដាគោលដៅនានាដែលបានរៀបចំពិធីកំសាន្តសប្បាយក្នុងព្រឹត្តិការណ៍ នគរសង្ក្រាន្ត រាជធានីភ្នំពេញ!*ឧបនាយករដ្ឋមន្ដ្រី ហ៊ុន ម៉ានី និងលោក ឃួង ស្រេង បានដឹកនាំប្រជាពលរដ្ឋ អញ្ជើញប្រារព្ធពិធីវេរភត្តប្រគេនព្រះសង្ឃ និងវាលុកចេតិយ (ពូនភ្នំខ្សាច់) នៅរមណីដ្ឋានវប្បធម៌ប្រវត្តិសាស្ត្រវត្តភ្នំ*សង្រ្កាន្តអូររាំងឪ ថ្ងៃទី២ ពងទាស្ងោរ ចំនួន១ម៉ឺនគ្រាប់ បានរៀបចំចែកជាពិសេសជូនពលរដ្ឋ និងអ្នកទេសចរណ៍ មកពីទីជិតទីឆ្ងាយ ដែលចូលរួមសប្បាយរីករាយលេងល្បែងប្រជាប្រិយ រាំកម្សាន្តតាមបទប្រពៃណីជាតិ*ឧត្តមសេនីយ៍ទោ ហួត សុធី ចាត់កម្លាំងជំនាញចុះផ្សព្វផ្សាយអំពីផលប៉ះពាល់នៃគ្រឿងញៀន ដល់ប្រជាពលរដ្ឋដែលកម្សាន្តក្នុង ឱកាសបុណ្យចូលឆ្នាំថ្មី*ឧបនាយករដ្ឋមន្ត្រី ហ៊ុន ម៉ានី ដឹកនាំទទួលទេវតាឆ្នាំថ្មី ក្នុងព្រឹត្តិការណ៍នគរសង្ក្រាន្ត នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ*សម្តេចកិត្តិសង្គហបណ្ឌិត ម៉ែន សំអន អញ្ជើញប្រារព្ធពិធីក្រុងពាលីតាមបែបសាសនា សុំសេចក្តីសុខចម្រើន និងសិរីសួស្ដី សម្រាប់ព្រឹត្តិការណ៍សង្ក្រាន្តស្វាយរៀង*ឧត្តមសេនីយ៍ឯក រ័ត្ន ស្រ៊ាង ដឹកនាំក្រុមការងារចុះត្រួតពិនិត្យស្តង់ពិព័ណ៌ផ្សព្វផ្សាយពី តួនាទី ភារកិច្ច សកម្មភាពការងាររបស់អាវុធហត្ថរាជធានីភ្នំពេញ និងលេខទូរស័ព្ទអន្តរាគមន៏បន្ទាន់ 1291!*សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតជូនពរសម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ ក្នុងឱកាសបុណ្យចូលឆ្នាំថ្មី ឆ្នាំមមី*សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតជូនពរសម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ ក្នុងឱកាសបុណ្យចូលឆ្នាំថ្មី ឆ្នាំមមី*សម្តេចបវរធិបតី ហ៊ុន ម៉ាណែត៖ បូរណភាពទឹកដី និងប្រជាជនកម្ពុជា ជាអាទិភាពចម្បងបំផុត, កម្ពុជានៅតែរក្សាសិទ្ធិយ៉ាងពេញលេញ ក្នុងការការពារខ្លួនស្របតាមច្បាប់អន្តរជាតិ ដើម្បីការពារទឹកដី និងអធិបតេយ្យជាតិ *សម្តេចបវរធិបតី ហ៊ុន ម៉ាណែត ផ្ញើសារលិខិតជូនជនរួមជាតិកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស.២៥៧០*ក្រសួងការងារ៖ ប្រទេសកម្ពុជានៅមានឱកាសការងារជាង ៩ម៉ឺនកន្លែង ដែលកំពុងតែនៅសល់រងចាំបងប្អូនអតីតពលករត្រឡប់មកពីប្រទេសថៃ*នគរសង្រ្កានដែលរៀបចំឡើងរយៈពេល៦ថ្ងៃ នៅរាជធានីភ្នំពេញ មានកម្មវិធីនិងសកម្មភាពពិសេសៗអ្វីខ្លះ?*ពិធីអបអរសាទរឆ្នាំថ្មីប្រពៃណីជាតិខ្មែរ ឆ្នាំ២០២៦ បានរៀបចំនៅប្រទេសបារាំង

នគរសង្រ្កានដែលរៀបចំឡើងរយៈពេល៦ថ្ងៃ នៅរាជធានីភ្នំពេញ មានកម្មវិធីនិងសកម្មភាពពិសេសៗអ្វីខ្លះ?

ព័ត៌មានជាតិ

(ភ្នំពេញ)៖ សហភាពសហព័ន្ធយុវជនកម្ពុជា(ស.ស.យ.ក.) បានរៀបចំ«នគរសង្រ្កាន» នៅរាជធានីភ្នំពេញ ដើម្បីអបអរសាទរពិធីបុណ្យចូលឆ្នាំប្រពៃណីជាតិ ឆ្នាំមមី អដ្ឋស័ក ព.ស.២៥៦៩ និងចូលរួមចំណែកក្នុងការលើកតម្កើងអត្តសញ្ញាណជាតិ វប្បធម៌ ប្រពៃណី ទំនៀមទម្លាប់ ដែលដូនតាបានបន្សល់ទុក ក្នុងស្មារតីបន្តថែរក្សា ការពារឱ្យបានគង់វង្ស។

 

លើសពីនេះទៅទៀតកម្មវិធីនេះ រៀបចំឡើង ដើម្បីទាក់ទាញភ្ញៀវទេសចរជាតិ និងអន្តរជាតិមកចូលរួមលេងកម្សាន្តឱ្យបានច្រើនកុះករ។ បន្ថែមពីនេះការរៀបចំកម្មវិធីនេះឡើង បន្តរួបរួមគ្នាជាធ្លង់មួយបង្ហាញការគាំទ្រដល់រាជរដ្ឋាភិបាល និងវីរកងកម្លាំងជួរមុខ ដោយថវិកាដែលទទួលបានពីលក់ Mascot និងផ្នែកនៃចំណូលពីការលក់ស្តង់នឹងបរិច្ចាគជូនទៅបងប្អូនភៀសសឹក និងវីរកងកម្លាំងជួរមុខ។

 

លោក សុខ សប្បាយណា ប្រធានក្រុមការងារប្រតិបត្តិព្រឹត្តិការណ៍នគរសង្រ្កាន្ត បានឱ្យដឹងថា នគរសង្រ្កានដែលរៀបចំឡើងនៅរាជធានីភ្នំពេញ មានរយៈពេល៦ថ្ងៃ ចាប់ពីថ្ងៃទី១៤ ដល់ថ្ងៃទី១៩ ខែមេសា ឆ្នាំ២០២៦។ ក្នុងរយៈពល៦ថ្ងៃនេះ មានកម្មវិធី និងសកម្មភាពជាច្រើន សម្រាប់បងប្អូនប្រជាពលរដ្ឋដែលចង់ចូលរួមលេងកម្សាន្ត។

 

នៅថ្ងៃទី១៤ ខែមេសា ឆ្នាំ២០២៦ដែលជាថ្ងៃដំបូងនៃព្រឹត្តិការនេះ នឹងមានរៀបចំសកម្មភាពរួមមាន ពិធីទទួលទេវតា ចាប់ពីវេលាម៉ោង៩ព្រឹក, ការរាំវង់ជុំញាតិ និងការសម្តែងល្ខោនក្បាច់បុរាណ«ព្រះទេវីចម្បាំង)នៅភូមិវប្បធម៌ចាប់ពីម៉ោង៥ល្ងាច និងកម្មវិធីទាញព្រ័ត្រមិត្តភាពនគរសង្រ្កាន នៅផ្លូវថ្មើជើងចតុមុខ ចាប់ពីម៉ោង៦ល្ងាច។

 

ចំណែកនៅថ្ងៃទី១៥ ខែមេសា ឆ្នាំ២០២៦ មានរៀបចំពិធីទៅវត្ត និងវាលុកចេតិយ(ពូនភ្នំក្បាច់) នៅបរិវេណរមណីយដ្ឋានប្រវត្តិសាស្រ្តវត្តភ្នំ នៅម៉ោង៩ព្រឹក ,ក្បួនដង្ហែ«នគរសង្រ្កាន» នៅផ្លូវថ្មើជើងចតុមុខ ចាប់ពីម៉ោង៦ល្ងាច , ការសម្តែងល្ខោនយីគេ «អ្នកតាមឃ្លាំងមឿង» នៅភូមិវប្បធម៌ ចាប់ពីម៉ោង៦និង៣០នាទីតទៅ

 

សម្រាប់ថ្ងៃទី១៦ ខែមេសា ឆ្នាំ២០២៦ នឹងមានរៀបចំពិធីដង្ហែព្រះពុទ្ធប្បដិមា និងស្រង់ព្រះ ដោយដង្ហែចេញពីវត្តឧណ្ណាលោម មករមណីយដ្ឋានប្រវត្តិសាស្រ្តវត្តភ្នំ ចាប់ពីម៉ោង១រសៀល, មានការសម្តែងយុទ្ធគុនចម្រុះខ្មែរបុរាណ នៅផ្លូវថ្មើជើង ចាប់ពីម៉ោង៦ល្ងាច និងការសម្តែងល្ខោនស្រមោលស្បែកធំ «ចម្បាំងឥន្រ្តជិត» នៅភូមិវប្បធម៌ ចាប់ពីម៉ោង៦និង៣០នាទីតទៅ។

 

រីឯថ្ងៃទី១៧ ខែមេសា ឆ្នាំ២០២៦ មានការសម្តែងយុទ្ធគុនចម្រុះខ្មែរបុរាណ នៅបរិវេណរមណីយដ្ឋានប្រវត្តិសាស្រ្តវត្តភ្នំ ចាប់ពីម៉ោង៦និង៣០នាទីតទៅ ,ការសម្តែងល្ខោនអាប៉េ«ព្រះច័ន្ធគោរព» នៅភូមិវប្បធម៌ ចាប់ពីម៉ោង៦និង៣០នាទីតទៅ និង ចាប់ពី៦ល្ងាចតទៅ មានកម្មវិធីរាំវង់ជុំញាតិ នៅផ្លូវថ្មើជើងចតុមុខ។

 

សម្រាប់ថ្ងៃទី១៨ ខែមេសា ឆ្នាំ២០២៦ ចាប់ពីម៉ោង៤រសៀល មានការជួបជុំលេងល្បែងប្រជាប្រិយជុំវិញវត្តភ្នំ នៅបរិវេណរមណីយដ្ឋានប្រវត្តិសាស្រ្តវត្តភ្នំ, ក្បួនដង្ហែ«នគរសង្រ្កាន» នៅផ្លូវថ្មើជើងចតុមុខ ចាប់ពីម៉ោង៦ល្ងាច និងចាប់ពីម៉ោង៦និង៣០នាទី និងមានការសម្តែងតន្ត្រីសំឡេងស្រាល នៅភូមិវប្បធម៌។

 

សម្រាប់ថ្ងៃទី១៩ ខែមេសា ឆ្នាំ២០២៦ មានកម្មវិធីប្រកួតអុកយក្ស«វគ្គផ្តាច់ព្រ័ត្រ» នៅភូមិវប្បធម៌ ចាប់ពីម៉ោង៦និង៣០នាទីល្ងាច ,រាំវង់ជុំញាតិ នៅបរិវេណមុខផ្សាររាត្រីចាប់ពីម៉ោង៨យប់ និងការសម្តែងល្ខោនបាសាក់«តេជោយ៉ត»នៅភូមិវប្បធម៌ ចាប់ពីម៉ោង៦និង៣០នាទី។

 

លោក សុខ សប្បាយណា បានបញ្ជាក់ថា ដើម្បីផ្តល់ភាពងាយស្រួលដល់ប្រជាពលរដ្ឋដែលមកលេងកម្សាន្ត សាលារាជធានីភ្នំពេញ បានរៀបចំចំណតឡាន និងម៉ូតូសាធារណៈ ជាច្រើនទីតាំង សម្រាប់ប្រជាពលរដ្ឋក្នុងតម្លៃ១០០០រៀលសម្រាប់ម៉ូតូ និង២០០០រៀលសម្រាប់ឡាន រួមនឹងចំណតឯកជនមួយចំនួនទៀត៕