ឧបនាយករដ្ឋមន្ដ្រី នេត សាវឿន ថ្លែងអំណរគុណសម្ដេច ឯកឧត្តម លោកជំទាវ និងញាតិមិត្តជិតឆ្ងាយ ដែលចូលរួមរំលែកទុក្ខ ចូលរួមក្នុងពិធីបុណ្យសព និងពិធីបុណ្យគម្រប់៧ថ្ងៃ អគ្គមហាឧបាសិកា នេត សុគន្ធ

(ភ្នំពេញ)៖ លោកសន្ដិបណ្ឌិត នេត សាវឿន ឧបនាយករដ្ឋមន្ដ្រី តំណាងឲ្យក្រុមគ្រួសារទាំងមូល សូមថ្លែងអំណរគុណជូន សម្តេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាង កញ្ញា និងញាតិមិត្តជិតឆ្ងាយទាំងអស់ ដែលបានឆ្លៀតពេលវេលាដ៏មមាញឹក ចូលរួមរំលែកទុក្ខបំផុត និងជួយជ្រោមជ្រែងយ៉ាងលើសលប់ ទាំងកម្លាំងកាយ ទាំងកម្លាំងចិត្ត និងធនធាន ក្នុងពិធីបុណ្យសព និងពិធីបុណ្យគម្រប់៧ថ្ងៃ អគ្គមហាឧបាសិកា នេត សុគន្ធ។

កាយវិការដ៏ប្រពៃថ្លៃថ្លានេះ សបញ្ជាក់ឱ្យឃើញយ៉ាងច្បាស់នូវទឹកព្រះទ័យ និងទឹកចិត្តស្រឡាញ់រាប់អាន ចំពោះទូលបង្គំយើងខ្ញុំ និងក្រុមគ្រួសារ។ យើងខ្ញុំនឹងចងចាំជានិច្ចនូវសមានចិត្ត និងមនោសញ្ចេតនាស្រឡាញ់រាប់អាន ប្រកបដោយក្តីសប្បុរស និងឧបការគុណដ៏ថ្លៃថ្លា ដែលសម្តេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាង កញ្ញា និងញាតិមិត្តជិតឆ្ងាយទាំងអស់ បានផ្ដល់ឱ្យខ្ញុំ និងក្រុមគ្រួសារ ក្នុងគ្រាកំពុងទទួលនូវទុក្ខដ៏សែនក្រៀមក្រំនេះ។

ក្នុងឱកាសនេះដែរ យើងខ្ញុំទាំងអស់គ្នាសូមលំឱនកាយគោរព និងសូមមេត្តាខន្តីអភ័យទោសពីសំណាក់សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាង កញ្ញា ភ្ញៀវកិត្តិយស និងបងប្អូនញាតិមិត្តជិតឆ្ងាយទាំងអស់ នូវការខ្វះចន្លោះទាំងឡាយណាដែលអាចមានការកើតឡើងក្នុងការទទួលរៀបចំពិធីបុណ្យសពតាំងពីដើមរហូតដល់ចប់។

យើងខ្ញុំសូមគោរពជូនពរ សម្តេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា និងញាតិមិត្តជិតឆ្ងាយទាំងអស់ សូមទទួលបាននូវសុខភាពល្អបរិបូណ៌ កាយពលមាំមួន ប្រាជ្ញាញាណភ្លឺថ្លា ជន្មាយុយឺនយូរ ព្រមទាំងសូមបានប្រកបនូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕