ទីតាំងស្តុកទំនិញដ៏ធំមួយកន្លែង (គ្មានស្លាកយីហោ) ! សង្ស័យថាមិនមានច្បាប់ទម្លាប់គ្រប់គ្រាន់!! ស្នើសុំ ឯកឧត្តម ស៊ុន សុវណ្ណរិទ្ធ អភិបាលខេត្តកំពង់ឆ្នាំង មេត្តាចាត់មន្ត្រីជំនាញចុះអធិការកិច្ច ដោយក្តីអនុគ្រោះផងទាន !!! ស្ថិតនៅក្នុងឃុំពានី ស្រុកកំពង់ត្រឡាច ខេត្តកំពង់ឆ្នាំង

ខេត្តកំពង់ឆ្នាំង ÷ ទីតាំងស្តុកទំនិញដ៏ធំមួយកន្លែង (គ្មានស្លាកយីហោ) កំពុងត្រូវបានមហាជន មជ្ឈដ្ឋានសង្គមស៊ីវិលនានា ជាពិសេសបងប្អូនប្រជាពលរដ្ឋ ផ្តោតនឹងការយកចិត្តទុកដាក់ ថាតើទីតាំងខាងលើនោះមានច្បាប់ត្រឹមត្រូវដែរឬទេ? ចុះប្រសិនបើមានច្បាប់ទម្លាប់ត្រឹមត្រូវហេតុអ្វីបានជាទីតាំងឃ្លាំងដ៏ធំមួយនេះ មិនលើកស្លាកយីហោ ឲ្យបានត្រឹមត្រូវនិងច្បាស់លាស់ ដើម្បីបញ្ជាក់ថាទីតាំងក៏ដូចជាទំនិញដឹកចូល ជាទំនិញស្របច្បាប់!។ ខណៈដែល ប្រមុខរាជរដ្ឋាភិបាល ទប់ស្កាត់ការនាំទំនិញចូលពីប្រទេសថៃ តាមផ្លូវគោកនោះ។

សូមបញ្ជាក់ថា: ទីតាំង ឃ្លាំងស្តុកទំនិញដ៏ធំ ខាងលើនេះ ស្ថិតនៅក្នុងឃុំពានី ស្រុកកំពង់ត្រឡាច ខេត្តកំពង់ឆ្នាំង។

តាមប្រភពព័ត៌មានដែលអង្គភាពសារព័ត៌មានយើងទទួលបាន ឱ្យដឹងថា : ឃ្លាំងស្តុកទំនិញដ៏ធំ នេះ រួមមាន :
– ប្រេងម៉ាស៊ីន (ប៉ុយធុងធំៗ) ដើម្បីបែងចែកជា ប៊ីដុងតូចៗតាមលីត្រនីមួយៗ ដូចជា :
– សំបកកង់ឡានតូច-ធំ
– ទំនិញអីវ៉ាន់ (ចាប់ហួយ) ជាច្រើនមុខ។
ប៉ុន្តែមិនដឹងថា: តើប្រភពនៃការនាំចូល ទំនិញខាងលើនេះតើមកពីប្រទេសណានោះទេ!? ដែលបានស្តុបទុក នៅទីតាំងឃ្លាំងដ៏ធំមួយនេះ ។

សូមបញ្ជាក់ ផងដែរថា : ឃ្លាំងដ៏ធំ (ក្នុងឃុំពានី)មួយនេះ គឺជាទីតាំងឃ្លាំងដ៏ធំមួយ បន្ទាប់ពីឃ្លាំងតូចៗជាច្រើនទៀត តែស្ថិតនៅក្នុងស្រុកកំពង់ត្រឡាច នេះ។ ហើយបន្តចែកចាយតាមរថយន្តតូចៗ ទៅតំបន់នានា នៅរាជនីភ្នំពេញនិងតាមបណ្ដាខេត្តនានា ផងដែរ ។ ហើយការដឹកទៀតសោត គឺយ៉ាងក៏គិតគ្រឹកគ្រេង ធ្វើឱ្យផ្លូវមួយខ្សែ រងការខូចខាតគ្រលុកធំៗផងដែរ !។ ជាក់ស្ដែងនៅថ្ងៃទី២១ ខែមិថុនា ឆ្នាំ២០២៦នេះ ក្រុមការងារសារព័ត៌មានយើងខ្ញុំបានចុះទៅផ្តិតនិងថតយករូបភាពឃ្លាំងរោងចក្រស្តុបទំនិញ ដែលជាទំនិញអីវ៉ាន់ចាប់ហួយ និងទំនិញផ្សេងៗជាច្រើនមុខទៀត ដែលត្រៀមនិងដឹកជញ្ជូនចេញទៅតំបន់នានា យ៉ាងច្រើនកុងតឺន័រ ។

ប្រជាពលរដ្ឋដែលរស់ក្បែរនោះបាននិយាយថា: រថយន្តប្រភេទកុងទឺន័រទាំងនោះ មានការដឹកជញ្ជូនចេញនិងចូល នៅពេលយប់ស្ងាត់ មិនមានមនុស្សចេញចូល ទើបពួកគេធ្វើការចរាចរណ៍ចេញ ហើយមានឡាន ប្រភេទតូចៗ ដឹកជញ្ជូនចាប់ពីពេលថ្ងៃ និង រហូតដល់ពេលយប់ជ្រៅ និង ទាបភ្លឺផងដែរ ។ តាមប្រភពព័ត៌មាន បានឱ្យដឹងទៀតថា :ឃ្លាំងស្តុកទំនិញដ៏ធំ ទំនិញអីវ៉ាន់ចាប់ហួយ និងការដឹកជញ្ជូនជាប្រេងម៉ាស៊ីន ទាំងធុងធំៗ នេះ យើងមិនដឹងប្រភពពី ប្រទេសណានោះទេ!?

សូមបញ្ជាក់ថា : ថ្មីៗកន្លងមកនេះ រាជរដ្ឋាភិបាលកម្ពុជា បានបិទច្រកតាមបន្ទាត់ព្រំដែនផ្លូវគោកនៃប្រទេសថៃ ។ ហើយអាជ្ញាធរពាក់ព័ន្ធរួមមាន រាជធានីខេត្តទាំងអស់ បានចុះអនុវត្តតាមបទបញ្ជារបស់ប្រមុខរាជរដ្ឋាភិបាលកម្ពុជា យ៉ាងសស្រាក់ស្រាំ ចុះបង្ក្រាបទីតាំង ដែលលួចស្តុកនិងចែកចាយ រួមមាន : ទីតាំងស្តុកសាច់បង្កកខុសច្បាប់ , ផលិតផលថៃរួមមានសាប៊ូ, គ្រឿងឧបភោគ, ជាពិសេសគឺប្រភេទសាច់បង្កក ដែលធ្វើឱ្យប៉ះពាល់សុខភាពរបស់បងប្អូនប្រជាពលរដ្ឋ ,និង គ្រឿងបរិភោគផ្សេងៗទៀត ផងដែរ ជាពិសេសទៅទៀតនោះ។ !ហើយក៏មានការចាប់ខ្លួន ឈ្មួញធំៗមួយចំនួនទៀត យកទៅដាក់ពន្ធនាគារ និងបន្តស្រាវជ្រាវអ្នកដែលពាក់ព័ន្ធទៅនឹងការនាំទំនិញពីប្រទេសថៃចូលមកក្នុងប្រទេសកម្ពុជាយើងផងដែរ ។

ពាក់ព័ន្ធទៅនឹងទីតាំងស្តុកទំនិញ ដែលសង្ស័យថាមិនមានច្បាប់គ្រប់គ្រាន់ នោះ អង្គភាពសារព័ត៌មានយើង បានធ្វើការទំនាក់ទំនងទៅ លោក វ៉ន សុីថា អភិបាលស្រុកកំពង់ត្រឡាច ដោយ មានផ្ញើរូបភាពតាមប្រព័ន្ធតេឡេក្រាម និងបាន call ទូរសព្ទផងដែរ ដោយ លោក វ៉ន ស៊ីថា អភិបាលស្រុកកំពង់ត្រឡាច បានបញ្ជាក់ទៀតថា : ក្នុងនាមលោកជា អភិបាលស្រុកស្រុក លោកមិនអាចចុះទៅបាននោះទេ ! ដោយឱ្យអង្គភាពយើងទំនាក់ទំនងទៅខាងគយ!!! ។ លោកអភិបាលស្រុកកំពង់ត្រឡាច បញ្ជាក់ទៀតថា: ទំនិញពីប្រទេសថៃ មិនឲ្យនាំចូលតាមផ្លូវគោកនោះទេ! ប៉ុន្តែតាមផ្លូវទឹកនិងផ្លូវអាកាសអាចចូលបាន ។ មិនដឹងថាការឆ្លើយរបស់លោកអភិបាលស្រុកនេះ តើជាការដោះសារឬយ៉ាងណានោះឡើយ!?

ក្នុងនាមលោកជាអភិបាលស្រុក ថាតេី ក្នុងនាមលោកមិនអាចមានសិទ្ធិចុះទៅទីតាំងដែលសង្ស័យថាខុសប្រក្រតីនោះឬយ៉ាងណានោះទេ? ប៉ុន្តែយើងនៅចាំថា កន្លងទៅថ្មីៗនេះ សម្ដេចតេជោ ហ៊ុនសែន ប្រធានគណបក្សប្រជាជនកម្ពុជានិងជា ប្រធានព្រឹទ្ធសភា លោកបានលើកឡើងថា : ក្នុងនាមជាប្រជាពលរដ្ឋ ក៏ដូចជាអ្នកសារព័ត៌មាន គឺមានសិទ្ធិក្នុងការរាយការណ៍ជូនដល់អាជ្ញាធរពាក់ព័ន្ធ ក្នុងការសង្ស័យទីតាំងណាមួយដែលខុសប្រក្រតី ជាពិសេសគឺជនបរទេស ដែលរស់នៅផ្ដុំគ្នា ឬការចល័តទីតាំងជនបរទេសនីមួយៗ ដែលសង្ស័យថា ទីតាំង (Online Scam)។

បងប្អូនប្រជាពលរដ្ឋ ,មជ្ឈដ្ឋានសង្គមស៊ីវិល ,អង្គការ -សមាគម រួមទាំងបណ្ដាញ សារព័ត៌មានក្នុងស្រុក សូមសំណូមពរដល់ ឯកឧត្តម ស៊ុន សុវណ្ណរិទ្ធ អភិបាល ខេត្តកំពង់ឆ្នាំង សូម ឯកឧត្ដម ចាត់មន្ត្រីជំនាញ , មន្ទីរពាក់ពន្ធ័ក្នុងខេត្ត ចុះអធិការកិច្ច ទីតាំងឃ្លាំងស្តុកទំនិញដ៏ធំ ដែលមានទីតាំងស្ថិតនៅក្នុងឃុំពានី ស្រុកកំពង់ត្រឡាច នេះផងទាន ! ដែលសង្ស័យថា មិនអនុលោមតាមច្បាប់គ្រប់គ្រាន់

(ដោយមិនមានលេីកស្លាកយីហោ) ឬការនាំចូលទំនិញទាំងនោះ តើមានប្រភពពីប្រទេសណាពិតប្រាកដ!? ខណៈដែល ប្រមុខរាជរដ្ឋាភិបាលលោកហាមដាច់ខាត !មិនឲ្យមានទំនិញពីប្រទេសថៃ នាំចូលតាមផ្លូវគោកនោះឡើយ!!! ។

បណ្តាញអ្នកសារព័ត៌មានក្នុងស្រុក ជាច្រើនស្ថាប័ន រួមនឹងសង្គមសុីវិល សូមគោរព ស្នេីស ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ឯកឧត្ដមមេត្តាចាត់មន្ត្រីក្រោមឱវាទ មានប្រធាននាយកដ្ឋាន ពាក់ព័ន្ធ ចុះអធិការកិច្ចដោយក្តីគោរព ផងទាន! ។

អង្គភាពសារព័ត៌មានយើងខ្ញុំ គឺគ្រាន់តែជាព្រាបនាំសារ ពីសុខទុក្ខបងប្អូនប្រជាពលរដ្ឋនៅក្នុងមូលដ្ឋាន ដើម្បីឱ្យថ្នាក់ដឹកនាំខេត្តកំពង់ឆ្នាំង និងថ្នាក់ដឹកនាំជាតិ លោកបានជ្រាបតែប៉ុណ្ណោះ ! មិនមានចេតនាញុះញង់ឬដាក់សម្ពាធដល់បុគ្គលឬអង្គភាពណាមួយនោះឡើយ ។ ជាពិសេសគឺសូមរស់នៅក្រោមដំបូលសន្តិភាព ដែលមានសម្ដេចទាំងទ្វេ គឺ សម្តេច តេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភាជាតិ , សម្ដេចបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា មានសម្ដេចទាំងទ្វេ គឺប្រទេសជាតិមានសន្តិភាព ទាំងសេដ្ឋកិច្ច និង នយោបាយ ! ប្រជាជននុរាស្ត្រមានសុខសន្តិភាពតរៀងរហូតទៅ!!!។

អង្គភាពសារព័ត៌មានយើងខ្ញុំ និងរង់ចាំការបកស្រាយបំភ្លឺ រៀងរាល់ម៉ោងធ្វើការតាមច្បាប់ស្ដីពីរបបសារព័ត៌មាន ៕ សូមអរគុណ