*ឧបនាយករដ្ឋមន្ត្រី ស សុខា អញ្ជើញដង្ហែអង្គកឋិនទានសាមគ្គី ទៅវេរប្រគេននៅវត្តសំសមី ខេត្តព្រៃវែង*សម្ដេចធិបតី ហ៊ុន ម៉ាណែត៖ សម រង្ស៉ី ហ៊ានសរសេរសំបុត្រទៅ ប្រធានាធិបតីបារាំង ស្នើមិនឱ្យមកទស្សនកិច្ចកម្ពុជា តែមិនហ៊ានសរសេរសំបុត្រ ទៅកាសែតថៃ ដែលផ្សាយសម្តីខ្លួនខុស រឿងនិយាយថា «ខ្មែរបាញ់មុន»*សម្ដេចមហាបវរធិបតី ហ៊ុន ម៉ាណែត បញ្ជាក់ជំហរឡើងវិញក្នុងការដោះស្រាយបញ្ហាព្រំដែនកម្ពុជា-ថៃ ដោយកម្ពុជាប្រកាន់យកសន្ដិវិធី ការទូត ច្បាប់អន្ដរជាតិ ទោះត្រូវចំណាយពេលយូរក៏ដោយ*សម្តេចបវរធិបតី ហ៊ុន ម៉ាណែត ឯកភាពគម្រោងធ្វើផ្លូវ តម្លៃ២៧០លានដុល្លារ ជាមួយធនាគារពិភពលោក ដើម្បីផ្តល់ចំណូលដល់សហគមន៍ *សម្តេចនាយករដ្ឋមន្ត្រី ហ៊ុន ម៉ាណែត៖ មកដល់ពេលនេះ រដ្ឋចំណាយជាង ៦០០លានដុល្លារហើយ ដើម្បីទប់ទល់នឹងការកើនឡើងតម្លៃប្រេងឥន្ធនៈ *សម្តេចមហាបវរធិបតី ហ៊ុន ម៉ាណែត លើកទឹកចិត្តកូនខ្មែរខិតខំចងក្រងឯកសារប្រវត្តិសាស្ត្រដោយខ្លួនឯង ព្រោះកន្លងទៅយើងសិក្សាតែឯកសារដែលជនបរទេសរៀបរៀង ដែលអាចនឹងមានចន្លោះប្រហោងណាមួយ *សម្តេចបវរធិបតី ហ៊ុន ម៉ាណែត៖ មិនគួររំលាយចូលគ្នារវាងបណ្ណសារជាតិ និងបណ្តាល័យជាតិនោះទេ តែត្រូវមានប្រព័ន្ធគ្រប់គ្រងតែមួយ *កម្ពុជាជំរុញកិច្ចសហប្រតិបត្តិការអាស៊ានប្រយុទ្ធប្រឆាំងព័ត៌មានក្លែងក្លាយ និងពង្រឹងការប្រើប្រាស់បញ្ញាសិប្បនិម្មិត (AI) ប្រកបដោយការទទួលខុសត្រូវ*សម្តេចតេជោ អនុញ្ញាតឱ្យលោក ខូវ ឆាយ និងលោក ហៃ វណ្ណា ចូលជួបសម្តែងការគួរសម*កុមារខ្វះខាត រួមទាំងគ្រូបង្រៀននៃក្រុមសិល្បៈពន្លឺកុមាររុនតាឯក ខេត្តសៀមរាប បង្ហាញនូវស្នាមញញឹមលាយលំទឹកភ្នែក រំភើបចំពោះការសណ្ដោសប្រណីប្រកបដោយភាពកក់ក្ដៅពីអ្នកម្ដាយកាកបាទក្រហមកម្ពុជា*សម្តេចមហាបវរធិបតី ហ៊ុន ម៉ាណែត៖ ផ្តើមចេញពីបទពិសោធន៍ជីវិតលំបាកក្នុងការសិក្សារៀនសូត្រ ទើបជំរុញឱ្យសម្តេចតេជោ ដាក់ចេញគោលនយោបាយពង្រាយសាលារៀនដល់តាមភូមិ *សម្តេចធិបតី ហ៊ុន ម៉ាណែត៖ តាមការសិក្សាសិស្សរៀន ៦ម៉ោង ពីរវេន មានភាពល្អប្រសើរជាងការរៀន៤ម៉ោង, បច្ចុប្បន្នសាលាប្រមាណ ១៦១សាលា កំពុងអនុវត្តកម្មវិធីសិក្សា៦ម៉ោង *សម្ដេចមហាបវរធិបតី ហ៊ុន ម៉ាណែត៖ ខ្សែភាពយន្ដកូនប្រុសក្រោមពន្លឺព្រះចន្ទពេញបូណ៍មី ដែលជាខ្សែជីវិតរបស់សម្ដេចតេជោ ហ៊ុន សែន ស្ដែងច្បាស់ក្នុងប្រវត្តិសាស្ដ្រកម្ពុជាលើវិស័យអប់រំ គឺខ្វះខាតសាលារៀន *រដ្ឋាភិបាលកម្ពុជា នឹងដាក់ចេញទិសដៅក្នុងសាលាគ្មានទូរស័ព្ទនៅឆ្នាំ២០២៧ តែអាចប្រើប្រាស់បានលុះត្រាមានការអនុញ្ញាតពីគ្រូបង្រៀន *សម្តេចមហាបវរធិបតី ហ៊ុន ម៉ាណែត ណែនាំឲ្យកំណត់កម្រិតប្រើប្រាស់ឌីជីថលតាមថ្នាក់សិក្សា ដោយមិនត្រូវប្រើជំនួសគ្រូ និងសៀវភៅសិក្សាឡើយ *ក្រសួងការងារ៖ ខេត្តស្វាយរៀងមានឱកាសការងារជិត ៤ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ*ឧបនាយករដ្ឋមន្ត្រី ប្រាក់ សុខុន៖ មន្ត្រីការទូតត្រូវយល់ដឹងពីស្ថានភាពសេដ្ឋកិច្ចកម្ពុជា តែមិនមែនឱ្យបោះបង់តួនាទីស្នូលរបស់ខ្លួននោះទេ*ឧបនាយករដ្ឋមន្ដ្រី នេត សាវឿន ដឹកនាំកិច្ចប្រជុំពិនិត្យ វាយតម្លៃផែនការការពារសន្ដិសុខ សណ្ដាប់ធ្នាប់កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាត្រៀមទទួលមេដឹកនាំជាង៩០ប្រទេស មានទាំងប្រធានាធិបតីបារាំង លោក ម៉ាក្រុង, សមត្ថកិច្ចជិត២ម៉ឺននាក់ ត្រៀមការពារ*ប្រធានគណៈកម្មាធិការជាតិ នៃសភាប្រឹក្សានយោបាយប្រជាជនចិន ផ្ញើសារថ្លែងអំណរគុណសម្ដេចតេជោ ហ៊ុន សែន ចំពោះលិខិតអបអរសាទរ ខួបលើកទី៧៧ ថ្ងៃបង្កើតសាធារណរដ្ឋប្រជាមានិតចិន*សម្តេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ចាត់ក្រុមការងារនាំយកស្ដ្រីពិការជើងម្នាក់ដែលមិនអាចធ្វើការរកប្រាក់ចំណូល ទៅពិនិត្យព្យាបាល នៅមន្ទីរពេទ្យតេជោសន្តិភាព

លោកជំទាវបណ្ឌិត ពេជ ចន្ទមុន្នី៖ ជីវភាពខ្វះខាត មិនត្រូវជាកត្តាកំណត់វាសនារបស់យុវជនណាមួយឡើយ យុវជនទាំងអស់មានសិទ្ធិស្មើគ្នា ក្នុងការទទួលយកនូវការអប់រំ បណ្តុះបណ្តាល

ព័ត៌មានជាតិ

(ភ្នំពេញ)៖ លោកជំទាវបណ្ឌិត ពេជ មុន្នី ហ៊ុនម៉ាណែត ប្រធានសមាគមសិស្ស-និស្សិតអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានថ្លែងថា គណៈកម្មាធិការអាហារូបករណ៍ អ.ម.ត. និងសមាគម អ.ម.ត. ត្រូវបានបង្កើតឡើងក្រោមចក្ខុវិស័យប្រកបដោយមេត្តាធម៌ របស់សម្តេចតេជោ និងសម្តេចកិត្តិព្រឹទ្ធបណ្ឌិត ដើម្បីបើកឱកាសឱ្យសិស្ស-និស្សិត ដែលមានសមត្ថភាព តែគ្មានលទ្ធភាពរៀនបន្ដដោយសារបញ្ហាគ្រួសារមានជីវភាពខ្វះខាត បានបន្ដការសិក្សាបន្ដទៅមុខទៀត ហើយទៅកាន់ក្រៅប្រទេសទៀតផង។

 

«ដូច្នេះជំនឿចិត្តស្នូលរបស់សមាគម អ.ម.ត. របស់យើង គឺជីវភាពខ្វះខាត គ្មានថវិកា ឬក៏ផលវិបាកផ្នែកហិរញ្ញវត្ថុ គឺមិនត្រូវជាកត្តាកំណត់វាសនារបស់យុវជនណាមួយឡើយ គឺយុវជនទាំងអស់គឺមានសិទ្ធិស្មើគ្នាក្នុងការទទួលយកនូវការអប់រំ បណ្តុះបណ្តាល ដើម្បីទៅជាធនធានមនុស្សមួយដ៏ល្អនៅក្នុងថ្ងៃអនាគតរបស់យើង»។ ហើយបេសកកម្មរបស់សមាគម គឺមិនត្រឹមតែគ្រាន់តែជាការផ្តល់នូវអាហារូបករណ៍ប៉ុណ្ណោះទេ គឺបានបង្កើតនូវយន្តការ តាមដាន និងគ្រប់គ្រង ហើយជ្រោមជ្រែង ដើម្បីធានាថាពួកគាត់ដែលទទួលអាហារូបករណ៍នេះ គឺអាចបញ្ចប់នូវការសិក្សាដោយជោគជ័យ ហើយក៏ជាកម្លាំងចលករមួយសម្រាប់សង្គមជាតិពិតប្រាកដ។

 

ការថ្លែងយ៉ាងដូច្នេះរបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្នុងឱកាសចូលរួមពិធីចុះអនុស្សរណៈនៃយោគយល់គ្នា (MoU) រវាងសមាគមសិស្ស-និស្សិតអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) និងក្រសួងអប់រំ យុវជន និងកីឡា ដែលមានការអញ្ជើញដោយផ្ទាល់ពីសំណាក់លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃទី២ ខែសីហា ឆ្នាំ២០២៦ នាទីស្ដីការសមាគម អ.ម.ត។

 

លោកជំទាវបណ្ឌិត បានគូសបញ្ជាក់ទៀតថា ចុះអនុស្សរណៈនៃយោគយល់គ្នា (MoU) រវាង សមាគមសិស្ស-និស្សិតអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) និង ក្រសួងអប់រំ យុវជន និងកីឡា នាពេលនេះ គឺជាការពង្រីក និងលើកកម្ពស់ការបណ្តុះបណ្តាលធនធានមនុស្សបន្ថែម តាមរយៈការបណ្តុះបណ្តាល ការចែករំលែកបទពិសោធន៍របស់សិស្ស និស្សិតរៀនពូកែទាំងក្នុងនិងក្រៅប្រទេស ដើម្បីឱ្យយុវជនជំនាន់ក្រោយត្រៀមលក្ខណៈគ្រប់គ្រាន់ ឈានទៅសិក្សានៅក្រៅប្រទេស និងអភិវឌ្ឍសមត្ថភាពជំនាញនានាស្របទៅនឹងការវិវត្តនៅពេលបច្ចុប្បន្ន និងអនាគត។

 

ការចុះអនុស្សរណៈនៃយោគយល់គ្នាដែលមានសារៈសំខាន់នាពេលនេះ លោកជំទាវបណ្ឌិតបានថ្លែងថា គឺជាការបើកផ្លូវ ដើម្បីឱ្យមានការសហការរវាងស្ថាប័នទាំងពីរ គឺសមាគម អ.ម.ត. ជាមួយក្រសួងអប់រំ យុវជន និងកីឡា ពិសេសគឺបានឆ្លុះបញ្ចាំងឱ្យឃើញអំពី ការប្រសព្វគ្នានៃមនសិការជាតិ និងប្តេជ្ញាចិត្តរួមគ្នា ដើម្បីយុវជនកម្ពុជារបស់យើងទៅថ្ងៃអនាគត គឺសំដៅលើកកម្ពស់ និងបង្កើតសមត្ថភាពដល់យុវជនជំនាន់ក្រោយ។

 

អនុសារណៈនៃការយោគយល់គ្នានៃឱកាសនេះទៀតសោត នឹងក្លាយទៅជាទំព័រប្រវត្តិសាស្ត្រថ្មីមួយ ក្នុងការប្រែប្រួលចក្ខុវិស័យលើផ្នែកអប់រំនៅកម្ពុជា ឱ្យទៅជាសកម្មភាពជាក់ស្តែង និងកាន់តែមានវិសាលភាពទូលំទូលាយបន្ថែមទៀត។

លោកជំទាវបណ្ឌិតជឿជាក់យ៉ាងមុតមាំថា «ការវិនិយោគលើការតម្រង់ទិសដ៏ត្រឹមត្រូវ និងការបំពាក់បំប៉នជំនាញសតវត្សរ៍ទី២១ ដល់យុវជននៅក្នុងថ្ងៃនេះ គឺជារឿងធានានូវសក្តានុពលសេដ្ឋកិច្ច និងការអភិវឌ្ឍប្រកបដោយតម្លាភាព និងនិរន្តរភាពរបស់កម្ពុជានៅថ្ងៃអនាគត។ហើយលទ្ធផលដែលកើតចេញពី MoU នៅក្នុងថ្ងៃនេះ នឹងក្លាយជាកាតាលីករដ៏មានឥទ្ធិពល ក្នុងការជួយជ្រោមជ្រែងយុវជនកម្ពុជា ឱ្យក្លាយទៅជាធនធានមនុស្សដ៏មានតម្លៃ និងជាសសរទ្រូងដ៏រឹងមាំរបស់ប្រទេសជាតិយើង»។

 

សូមជម្រាបថានៅក្នុងឱកាសចុះអនុស្សរណៈនៃយោគយល់គ្នានេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក៏បានលើកឡើងពីការដឹកនាំ គ្រប់គ្រង និងអនុវត្ដការងាររបស់សមាគម អ.ម.ត ពិសេសពីប្រព័ន្ធការងារក្នុងការជ្រើសរើស និងជួយដល់សិស្សដែលមានសមត្ថភាព តែគ្មានលទ្ធភាពបន្ដការសិក្សា ទទួលបានការសិក្សាដល់ចប់ចុង ចប់ដើម និងទទួលបានបទពិសោធន៍ការងារសង្គមជាច្រើន ដែលអាចឱ្យយុវជននោះមានបុគ្គលិកលក្ខណៈគ្រប់គ្រាន់ ទាំងចំណេះដឹង បទពិសោធន៍ និងក្លាយជាធនធានដ៏ល្អសម្រាប់ប្រទេសជាតិផងដែរ។ លើសពីនោះឆ្លើយតបស្របទៅនឹងវិស័យអាទិភាពគន្លឹះទី១ នៅក្នុងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ក្រោមការដឹកនាំប្រកបដោយចក្ខុវិស័យរបស់ សម្តេចមហាបវរធិបតី នាយករដ្ឋមន្ត្រី គឺការបណ្តុះបណ្តាលមូលធនមនុស្ស ឱ្យមានទាំងចំណេះដឹង មានសមត្ថភាព ជំនាញឯកទេស ច្បាស់លាស់ និងគុណធម៌ប្រចាំជីវិត គឺជានិរន្តរភាពពិតប្រាកដរបស់ជាតិ ហើយជាកាតព្វកិច្ចរួមរបស់យើងទាំងអស់គ្នា និងទាមទារឱ្យមានការចូលរួមយ៉ាងសកម្ម ពីគ្រប់ភាគីពាក់ព័ន្ធ៕